SEMUEL SUSULAK-KA ESAN-NA 2:23 - Susula Malalaok Hehelu Palak Ma Hehelu Beuk

²³ Hu ndia de, nafa'da anan-nala nae, “Au hapu basa hala nafa'dak neme hataholi lala'en-na mai, la'eneu emi ha'da-tatao mangalaum-ma so. Taole'e de, emi tao tataos ndia?

SEMUEL SUSULAK-KA ESAN-NA 2:23 Σταυροειδείς Αναφορές

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

HATAHOLI 9:4

Tutika ana bala neu dae, boema namanene halak esa nafa'dan nae, “Saulus, Saulus! Tao le'e de o tuni-ndeni Au?”

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

SEMUEL SUSULAK-KA ESAN-NA 2:22

Eli namalasi nanseli so. Namanene hataholi-la kalaak do'e-do'e, la'eneu anan-nala ha'da-paliin neu hataholi Israel-la. Eli boeo bubuluk, anan sila-la sungu loo inak malalau-maoono nai Manetualain Lalaa Teman-na lelesu bafan-na.

SEMUEL SUSULAK-KA ESAN-NA 2:24

Boso boe tao seluk leondiak bai, anang-ngala lemin. Manetualain anan-nala kokolak beek la'eneu emi ndia, te'e-te'e ta malole makandondook fa.