SEMUEL SUSULAK-KA ESAN-NA 2:18 - Susula Malalaok Hehelu Palak Ma Hehelu Beuk

¹⁸ Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.

SEMUEL SUSULAK-KA ESAN-NA 2:18 Σταυροειδείς Αναφορές

2 SEMUEL 6:14

Basa boema, Dauk foti-longe no namahokok nanseli, fo ana fe ha'da-holomata neu Manetualain. Nai lelek ndia, ana pake ka'da si'di abalutu keke'uk, de ana pa'an nai tala'dan-na.

1 TAWARIKH 15:27

Nai lelek ndia Dauk pake ba'du manalu aba lutu, leondiak boe basa manamakaminak sasanu la, ma Kenanya fo sila mauli-malangan-na, boema hataholi Lewi fo manandolo Peti Hehelu-balataak Dauk pake ba'du efod.

KELUARAN 28:4

Boeo madenus fo ala tao babaa fanak, efod, ba'du manalu, ba'du kabaek nanaseu-soo mana'a hiik, tema fefeo langak ma kalikee. Ala muse tao bua-papake imam ndia soaneu o ka'am Harum no anan-nala fo ela ala hapu lalalau-laoono Au da'di leo imam.

IMAMAT 8:7

Basa ndia boema, ana pake bua papake imam-ma neu Harun: ba'du kabaek, kalikee ma ba'du manalu. Boeo efod de ana pa'an nenik tema a'ba lutu neu kale'bon-na.

SEMUEL SUSULAK-KA ESAN-NA 14:3

(Imam maneni ba'du babaa fanak-ka nde Ahya, fo Ahitub anan-na, fo nde Pinehas anan Ikabod tolanon-na, ma Pinehas, fo Eli anan-na, fo Manetualain imam-ma nai Silo.) Laun-na boeo, tabubuluk lae Yonatan la'o neme ndia mai so.

SEMUEL SUSULAK-KA ESAN-NA 2:11

Boema Elkana no uma isin-nala fali leo Rama leu, tehu Semuel, fo ni'iana ndia, nahele neme Silo, de nalalau-naoono Manetualain nai Imam Eli paletan-na dae.

SEMUEL SUSULAK-KA ESAN-NA 2:28

Neme basa leo Israel-la lala'en-na mai, Au hele basa teidale-bobongin-nala da'di Au imam so, fo lalalau-laoono nai mei tunu-hotuk-ka, tunu boomenik, ma pake ba'du efod, metema ala kokolak loo Au. Ma Au fe basa hak neu sila, boema sila tititi-nonosin, fo ala ho'i baba'ek neme tutunu-hohotuk fo nanatunuk nai mei tunu-hotuk-ka.

SEMUEL SUSULAK-KA ESAN-NA 22:18

Hu ndia de, Saul nafa'da Doëg nae, “Ayo, lai-lai leona, O nde taomisa hataholi sila-la!” Boema, Doëg tutulumatak, de ana taonisa imam sila-la. Nai faik ndia dalen-na, ana taonisa imam faluhulu lima, fo imam sila-la hapu hak pake ba'du babaa fanak.

SEMUEL SUSULAK-KA ESAN-NA 3:1

Ndia te, Semuel fo bei ni'iana ndia, nalalau-naoono Manetualain nai Eli paletan-na dae. Nai tepo-lelek ndia, la'i esa-la'i esa de'i fo, hapu hala heheluk ma ninitak neme Manetualain mai.