SEMUEL SUSULAK-KA ESAN-NA 15:26 - Susula Malalaok Hehelu Palak Ma Hehelu Beuk

²⁶ Tehu Semuel nataa nae, “Au ta nau fali sama-sama o Ama Manek fa. Ama Manek la'ban basa Manetualain paletan-na so, de besak ia, Ana ta nau manaku Ama Manek da'di leo Israel manen-na so'on.”

SEMUEL SUSULAK-KA ESAN-NA 15:26 Σταυροειδείς Αναφορές

KEJADIAN 42:38

Tehu Yakob nae, “Ta! Emi ta bole moo Benyamin fa; ka'an-na maten so, de besak ia ela ka'da ndia so. Boso nalosak ana hapu soe nai leleo-lala'ok ndia dalek. Au ia, amalasi so, ma dale he'dik fo neukose emi menin neu au ndia, neukose neni au mamateng-nga.”

2 SEMUEL 12:9

Tao le'e de, o ta nau taoafik neu Au paletang-ngala fa? Tao le'e de, o tao-no'i tatao-nono'i mangalauk ndia? O taomisa Uria neme natee-natatik dale; o po'ilotak hataholi Amon-nala taolisan, de o ho'i-ma saon-na!

2 SEMUEL 7:15

Tehu, neukose Au ta tao mangalauk neu fan, nandaa no Au hehelu-balataang. Neukose, Au ho'u ahele Au hehelu-balataang soaneun, de ta sama leo Au taon neu Saul, fo Au keko heok-kana neme kandela nangatutuun lain mai, fo ela o bisa da'di manek.

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

HOSEA 13:11

No nasa-meluk Au fe emi manek, ma no nasa manalua ponu-ponuk-ka, Au hela falik-kasa.”

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

HATAHOLI 13:22

Manetualain kekoheo kana neme kandela nangatutuu na mai boema, Manetualain so'u fes Dauk da'di sila manen. Ma hu ka nde dede'ak ia de Manetualain kokolak la'eneu Dauk nae, ‘Au bubuluk basa Dauk fo Isai anan ndia, nandaa no Au dale nga. Ndia nde hataholi fo neukose ana tao-no'i Au hihii-nanau nga.’

2 YOHANIS 1:11

Nana, see nate'a hataholi matak leondia ka soona, ana tunga hataholi ndia, fo duas tu'da leo tatao-nono'i mangalauk ndia dalek leu.

SEMUEL SUSULAK-KA ESAN-NA 13:14

Tehu besak ia, Ama Manek paletan-na, neukose ta nakatatakak fa. Nanahu Ama Manek ta tunga Manetualain paletan-na fa, de Manetualain hele basa hataholi fe'ek fo nahiik-kana, fo Ana so'un da'di manek neu anan-nala.”

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

SEMUEL SUSULAK-KA ESAN-NA 15:31

Boema, Semuel fali sama-sama non leo Gilgal neu, de Saul sene-do'ok neu Manetualain.

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.

SEMUEL SUSULAK-KA ESAN-NA 28:18

O lena-la'ban basa Manetualain paletan-na so, ma o ta nau tao mamopo-mamate hataholi Amalek-kala loo sila hata-heton lala'en-na fa. Hu kande ndia de, besak ia, Manetualain tao o leondiak.