SEMUEL SUSULAK-KA ESAN-NA 13:3 - Susula Malalaok Hehelu Palak Ma Hehelu Beuk

³ Basa boema, Yonatan taonisa Filistin malanga solda'du matuainan manai Geba, de leoina Filistin-na lamanene la'eneu manada'dik ndia. Boema Saul nadenu hataholi-la puu pupuuk-ka nai nusak-ka lala'en-na, fo laloo hataholi Ibrani-la, fo ala tutulumatak soaneu latee-lata'ti.

SEMUEL SUSULAK-KA ESAN-NA 13:3 Σταυροειδείς Αναφορές

2 SEMUEL 2:28

Boema Yoab puu pupuuk-ka, fo da'di ta'du-tana ba'eneu solda'dun-nala, fo ela ala hahae usi hataholi Israel-la, boema natee-natatik ndia hahae leona.

2 SEMUEL 20:1

Nai kota Gilead-ta, hapu tou manatao tasibu esa, na'de Seba. Bikri neme leo Benyamin-na mai, anan ndia. Lelek hataholi manatunga Dauk-ka, beenongo mai boema, Seba puu pupuuk-ka, ma naloo bou-bou nae, “Dauk ndia, hataholi fe'ek, de sosoak hata, ita tunga hataholi ndia? Hai hataholi Israel-la lemin, mai fo ata fali teu-tala!”

YESAYA 10:29

Ala seli lelenak-ka so, de ala sungu nai Geba! Kota Rama laun-nala dele betoo, ma laun manai kota Gibea, Mane Saul-la kotan-na, lalai so.

ZAKHARIA 14:10

Basa nusak-ka lala'en-na, neme Geba nai kii, losa Rimon nai kona, neukose da'di dae ma'dak. Tehu neukose, Yerusalem boetai namadema fo dema lena dae manai boboa-kaisun-na; neukose, kota ndia namaloa neme Lelesuina Benyamin-na, losa Lelesuina Sudut, fo nde lelesuina Pertama mamanan-na, ma neme Uma Puni Madema Hananeel, losa manek-ka mamana kaka'bi angol-la.

HAKIM-HAKIM 3:27

Lelek ana losa nusa letelepak Efraim-ma, boema no lai-laik, ana puu pupuuk-ka, fo naloo hataholi Israel-la leu latee-lata'ti. Ala mai boema, nauli-nalangas, de ala kona leme letelepak ndia mai.

HAKIM-HAKIM 6:34

Tehu, Manetualain Dula dalen-na koasa Gideon, nalosa ana puu pupuuk-ka, fo naloo leo-ingu Abiezer hataholin-nala, fo daenga, ala mai lakabubua lon.

SEMUEL SUSULAK-KA ESAN-NA 10:5

Basa ndia soona, o muse muu leo Manetualain pupukun-na nai Gibea, fo hataholi Filistin-nala mamana ofun-na. Nai lelesu masok leo kota dale neu, neukose o matongo moo nabi bubuak esa, kona leme pupukuk tutunu-hohotuk lain mai. Ala foti-longe ma ala eki beekao, lakaminak gambus, rebana, seruling ma kecapi.

SEMUEL SUSULAK-KA ESAN-NA 13:16

Saul no anamanen Yonatan, boema solda'dun-nala ofu nai Geba, fo Benyamin nusan-na; ma hataholi Filistin-nala ofu nai Mikhmas.