SEMUEL SUSULAK-KA ESAN-NA 12:3 - Susula Malalaok Hehelu Palak Ma Hehelu Beuk

³ Besak ia, au apadeik nai emi matam! Metema au tao salak soona, kalaak au nai Manetualain matan, ma nai Ana hele manek-ka matan. Au ho'i hai hataholi fe'ek sapin do keledein so do beik? Au tipu-dai hai, do tuni-ndeni hai, do sipo doi sosolo dalek hai so do beik? Mafa'da leona, fo au ho'i-a su'di beek-ka soona, au fe falik-kana.”

SEMUEL SUSULAK-KA ESAN-NA 12:3 Σταυροειδείς Αναφορές

2 SEMUEL 22:22

Au tunga Manetualain paletan-na, ma au ta lepos asadea, au Manetualaing-nga fa.

NEHEMIA 5:11

Ela leo been-na, emi boeo tao mamopo heni laun-na huta-bu'un-nala neu emi ndia, nau nalupa tali-doik do gandum, nau angol do mina setun boe. No lai-laik, fe falik sila tinan, osi angol, mina setun ma uman-nala.”

MAZMUR 15:5

ma ana fe hataholi nakatotonak doik, ta pake bunak fa; fo ana ta nau sipo doi sosolo dalek, soaneu nakatutu'dak hataholi sala tak-ka. Hataholi fo, manatao leondiak-ka, neukose tetu-temak tataas esa.

KELUARAN 20:17

Boso dale he'di hataholi fe'ek hata-heton; uman-na, saoinan-na, atan-nala, bana-manun, keledein-na, do su'di beek fo hataholi fe'ek nuun.”

KELUARAN 23:8

Boso sipo doi sosolo dalek, nanahu doi sosolo dalek ndia, tao napoke hataholi-a matan-na, la'eneu eno ndoos-sa, fo nakatutu'dak hataholi sala taak-ka.

AMSAL 15:27

See sanga nanalak fo ta malole fa soona, ana tao nakalulutuk teidale-bobongin-na. See ta hii sipo doi sosolo dalek fa soona, neukose so'dan-na naua-nanale.

IMAMAT 6:4

Hataholi masalak ndia, muse bae basa hata, fo ana hapun tunga enok ta malole fa. Nai lelek hapu salan-na soona, muse ana bae nakatema buas sila-la leo bua lamatuak neu, ma ana popo-tama seluk baba'ek lima neme buas sila-la belin-na mai.

BILANGAN 16:15

Musa namanasa nanseli, de nafa'da Manetualain nae, “Manetualain, Boso sipok sila tutunu-hohotun. Beita la'iesa boen, fo au tao akatutu'dak sila hataholin esa boen; lena-lenak, beita la'iesa boen, fo au ho'i-a sila keledein esa boen.”

MATEOS 22:21

Boema lataa lae, “Kese la.” Boema Yesus nafa'das nae, “Metema leondiak soona, Kese la nuun bee na, fen leo Kese la neu, ma Manetualain nuun bee na, fen leo Manetualain neu.”

LUKAS 19:8

Nai uman, Zakeos fo'a napadeik de nafa'da Yesus nae, “Lamatuak, au hata-heto ngala seli, neukose au fe hii kasa leo hataholi nuu ta-hata ta kala, ma see boe fo au ke'dindiu hain soona, neukose au bae fali kana la'i ha!”

HATAHOLI 20:33

Beita la'iesa boen fo au oke doik, do bua papakek, neme hataholi esa mai boen.

2 KORINTUS 12:14

Besak ia soaneu kala'i telu na, au aheheleao fo au ne'i donge-dama emi. Tehu au ta nau tao susa emi fa, nana au ahii ka ta nde hata fo emi manuu ka fa, te au ahii ka nde emi aoina ma dei. Nana ni'iana la ta nde muse leu tunga sanga soaneu ina-aman so'da nala fa, tehu ina amak nde muse leu tunga sanga soaneu ana nala so'da na.

ULANGAN 16:19

Nai sila nakeketun-na dalek, sila ta bole laketu-lala'di, tunga sila dale hihiin-na fa, do laketu-lala'di no, ala mete matak. Sila boeo, ta bole sipo hata esa nalupa sosolo dalek fa, nanahu sosolo dalek ndia, ana tao napoke hataholi manatee-tenok ma hataholi manatao tunga ndoos ma matetuk-ka, matan-na, nalosa naketu-nala'din-nala ta ndoos ma matetuk fa.

1 TESALONIKA 2:10

Ami maso'da no malalaok, ndoos, ma ami ta masala-masingo soaneu emi fo, mana mamahele basak neu Kristu sa so. Manetualain ma emi, nde da'di ami sakasii ma.

1 TESALONIKA 2:5

Emi boeo bubuluk, beita la'iesa fo ami fufu'di-oo'dok emi ninik dede'a-kokolak makee-mamina fo sue ka nde ami hapu doik neme emi mai. Manetualain nde da'di sakasii a! Nana amai ta mape'da dudu'a-aafi leondiak makandondook fa.

1 PETRUS 5:2

fo ela emi foo-lolo matalolole bi'ilopo fo Manetualain fe emi a. Foo-lolo bi'i sila la no dale namahokok, tunga Manetualain dale hihii na, ma boso no dale bibia-seselik. Boso sanga hahapuk neme emi ue le'dim ndia mai, te emi tao-no'ik ndia, nana memak te'e-te'e, emi hii malalau-maoono.

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala:

SEMUEL SUSULAK-KA ESAN-NA 12:4

Hataholi sila-la lataa lae, “Ta, beita la'iesa fo Ama tipu-dai do tuni-ndeni ami fa; beita la'iesa fo, Ama ho'i su'di see hata-heton fa.”

SEMUEL SUSULAK-KA ESAN-NA 12:5

Boema, Semuel nafa'da nae, “Nai faik ia, Manetualain ma Ana hele manek-ka, da'di sakasii, lae se'kona au ta tao salak faaanak boen.” Boema, lataa lae, “Hei, tete'ek-ka, Manetualain da'di ita sakasiin.”

SEMUEL SUSULAK-KA ESAN-NA 2:35

Basa soona, neukose Au hele imam manalilinekak neu Au, ma manatao-no'i hata fo Au paletan neun. Neukose Au fen tititi-nonosik fo nalalau-naoono tataas esa da'di leo imam nai Au hele manek-kala matan.

SEMUEL SUSULAK-KA ESAN-NA 24:11

Besak ia, Ama Manek mita matam, na'kasa neme leak dale ndia, Manetualain, fe basa Ama Manek neu au so. Hataholi esa fufu'di-oodok basa atam-ma, fo taoisa Ama Manek, tehu atam-ma ta nau fa. Atam-ma nataa nae, atam-ma tau nau tao nahe'di atam-ma manen fo Manetualain helek-ka fa.

SEMUEL SUSULAK-KA ESAN-NA 24:6

Tehu basa ndia boema, Dauk name'da nasala, nanahu ana tao tataos ndia so.

SEMUEL SUSULAK-KA ESAN-NA 24:7

Boema nafa'da solda'dun-nala nae, “Sa'di leo been-na, Manetualain nanea au, fo au boso nalosak au tao mangalauk neu au maneng fo Manetualain, hele basan so. Au ta bole tao ahe'din faa anak boen, nanahu Manetualain mane hehelen ndia!”

SEMUEL SUSULAK-KA ESAN-NA 26:11

Sa'di leo been-na, Manetualain kena-ka'i au boso taoisa manek fo, Ana helek-ka. Ka'da ho'i-ma teen-na, ma boto oen-na, fo ata la'o!”

SEMUEL SUSULAK-KA ESAN-NA 26:9

Tehu Dauk nae, “Boso taon le'e esa boen! Tao leo bee-o, Manetualain huku hataholi fo manatao mangalauk neu manek fo Ana helek-ka.