SEMUEL SUSULAK-KA ESAN-NA 12:22 - Susula Malalaok Hehelu Palak Ma Hehelu Beuk

²² Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so

SEMUEL SUSULAK-KA ESAN-NA 12:22 Σταυροειδείς Αναφορές

1RAJA-RAJA 6:13

Neukose Au leo nai uma fo o mafofo'ak ia dalek, nai Au anang Israel tala'da heon. Neukose Au ta la'oela fas.”

1RAJA-RAJA 8:57

Sa'di leo been-na ita Manetualain no ita sama leo nok ita bei-ba'i kai nala. Sa'di leo been-na Ana ta la'oela ita fa.

2RAJA-RAJA 14:27

Manetualain ta nanuu dudu'ak soaneu tao nakalulutuk Israel, losa dodoon-na fa, hu ndia de, Ana tulu-falis tunga mane Yerobeam II.

2RAJA-RAJA 21:14

Neukose, Au po'ilotak laun fo bei ela kala, da'di musun-nala nana'an-na, fo neukose, musu-a namanako ma kalo nusan-na.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

MAZMUR 106:8

Tehu Manetualain soi-tefa-nalas, hu kande na'den-na, fo ela napalanin-na, da'di nananitak.

MAZMUR 94:14

Nana, neukose Manetualain ta la'oela anan-nala fa; ma Ana ta tapa heni pusakan-na fa.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

YESAYA 37:35

Neukose Au asala'e, ma asulu-ahapa kota Yerusalem-ma, hu kande Au na'deng-nga mesak-kana, ma hu kande Au hehelu-balataang o Au atang Dauk.’ ”

YESAYA 41:17

Metema, Au leoinang fo, ua-nale poke-pakek ndia sanga oe, ma botolii koko'don-na namatuu, nanahu maa ma'dak-ka, soona Au, fo Manetualain, neukose ataa sila huhule-haladoin; Israel Manetualain-na, neukose Ana ta la'oela anan-nala fa.

YESAYA 42:16

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.

YESAYA 43:25

Tehu Au, Manetualain, fo manalose heni o sala-singom, manafe do'o do ampon neu o, nanahu Au ha'da-paliing leondiak; Au ta afandele o sala-singom fa.

YESAYA 43:7

Nana sila basa-basas, nananaloo basak, nenik Au na'deng-nga so, Au akadada'dik-kasa, soaneu lamatutua-lamadedema Au.”

YESAYA 48:11

Au tao ndia, hu kande Au aoinang-nga mesak-kana, nana Au ta po'ilotak, Au na'deng-nga, nanatao nanggenggeok fa; Au ta aba'e Au ndela-sa'ang, no su'di see boen.”

YESAYA 49:15

Manetualain nataa nae, “Hapu nai bee, inak esa, nafandele heni anan-na, ma ana ta sue-lai, ana bongin-na fa? Leomae, nafandele henin boe, neukose, Au ta afandele heni o fa!

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

YEREMIA 14:21

Mafandele neu O hala hehelum-ma te O boso makadadaek ami; Ma O boso ka'i O hala-hehelum neu ami-a. O boso makadadaek Yerusalem fo O kandela manem-ma mamanan.

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

YEREMIA 14:9

Tao le'e de O sama leo hataholi fo mapangamak-ka; sama leo palani tatibatu fo ta tulu-fali be'i fa do? Tehu, tao leo beeo O nai ami tala'da, Manetualain! Ami anam-mala, de O boso la'o ela ami!’ ”

RATAPAN 5:20

Masa bole O la'oela ami dodoo basa ndia? Ade, fafa'kama O mafandele heni ami nai tepo-lelek manalu ia do?

YESKIAL 20:14

Tehu, Au ta da'di amanasa fa, hu kande Au na'de malalao-malalafung-nga, fo ela leoina fo, lita Au o Israel kalua meme Masir mai-a, ala boso lakamumulu-lakamamaek Au na'deng-nga.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

MALEAKHI 1:2

Manetualain nafa'da anan-nala nae, “Au sue-lai emi.” Tehu, lataa lae, “Tao leo bee de, Manetualain sue-lai ami?” Boema Manetualain nataa nae, “Ade, Yakob ka'an ta Esau fa do? Tehu, Au sue-lai Yakob,

MATEOS 11:26

Fo ndia nde nandaa no, Ama ka dale na.”

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

ROMA 11:1

Au atane bai: Ade Manetualain tu'u-tapaheni hataholi kamahehele nala so do? Tao leo bee o ta! Au boeo hataholi Israel fo Abraham tititi-nonosin, ma au da'di eme leo Benyamin-na mai.

ROMA 11:29

Nana metema Manetualain hele hataholi esa fo Ana fen baba'e-papalak soona, Ana ta hela falik hata fo Ana taon ndia fa.

1 KORINTUS 4:7

See ka nde nakadada'dik emi lenaheni hataholi fe'e kala? Ade basa hata lala'ena, emi ta sipon neme Manetualain mai fa do? Da'di tao le'e de emi nau koao-ndaeao, nono'kabai de hata fo emi manuuk sila la ta hata nanafek sila la fa?

EFESUS 1:12

Neme na fo, ita nde makasososa tamahena neu Kristu sa, koa-kio Manetualain, hu ka nde matua-madema na!

EFESUS 1:6

Koa-kio Manetualain fo matua-madema, nana hu ka nde tunga Ana susue na de, Ana sue-lai na ita ba'u na seli.

ULANGAN 14:2

Emi nde been-na, emiManetualaim-ma nuun emi; neme basa leoina fo manai daebafak ia lala'en-na, emi nde, Manetualain helen, soaneu da'di Ndia anan-nala.”

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

FILIPI 1:6

Manetualain nde mulai tatao-nono'i malole ndia, neu emi a, de au amahele, neukose Ana tao-no'i nakandoo tatao-nono'ik ndia, losa nakababasa kana nai Kristus Yesus Fai fafali ma'i na.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YOSUA 7:9

Hataholi Kanaan-nala, ma basa hataholi manai nusak ia, neukose lamanene dede'ak ndia. Neukose lakahapi-la ami, fo taolisa ami! Boema, neukose O tao beek, fo O ho'u mahele O na'dem-ma?”

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.