SEMUEL SUSULAK-KA ESAN-NA 1:26 - Susula Malalaok Hehelu Palak Ma Hehelu Beuk

²⁶ Hana nafa'da Eli nae, “Ampon Ama. Ama bei mafandendelek au do ta? Au ia, inak fo Ama nita hain napadeik neme ia, fo hule-haladoi neu Manetualain.

SEMUEL SUSULAK-KA ESAN-NA 1:26 Σταυροειδείς Αναφορές

KEJADIAN 42:15

De au sanga fola emi: Au soo enik manek-ka na'den-na ae neukose emi ta la'o meme nusak ia mai fa, metema emi fa'dim mate'a teisu'uk ndia, emi ta moon leo ia mai fa.

2 SEMUEL 11:11

Boema, Uria nataa nae, “Solda'du Israel ma Yehuda-la, bei latee-lata'ti leni mamate-momopon-nala, de Manetualain Peti Hehelu-balataan, sama-sama nos; Yoab, fo ami malanga solda'du matuainam-ma, ma basa malanga solda'du matuaina fe'ek-kala ofu lai mook-ka. De hapu nai bee, atam ia fali leo uma neu, fo atam-ma na'a-ninu ma atam-ma sungu no atam-ma saoinan-na? No Ama Manek maso'dan-na, ma atam-ma maso'dan-na, neukose, atam-ma ta tao leondiak fa!”

2 SEMUEL 14:19

Boema, manek-ka nae, “Yoab nde nadenu o-a do?” Inak ndia nataa nae, “No au Ama Maneng maso'dan-na, atam-ma muse nataa au Ama Maneng natatanen-na. Memak tete'ek-ka Ama Manek, Yoab nafa'da basa atam-ma, hata fo atam-ma muse taon, ma atam-ma nafa'dan.

2RAJA-RAJA 2:2

de nai eno tala'dak, Elia nafa'da Elisa nae, “Mahele neme ia, te Manetualain nadenu au u leo Betel u.” Tehu Elisa nataa nae, “No Manetualain fo maso'dak-ka na'den-na, ma no Ama samanen-na, neukose au ta la'oela Ama fa.” Da'di, duas la'ok lakandoo leo Betel leu.

2RAJA-RAJA 2:4

Basa boema, Elia nafa'da Elisa nae, “Mahele neme ia, te Manetualain nadenu au u leo Yerikho u.” Tehu Elisa nataa nae, “No Manetualain fo maso'dak-ka na'den-na, ma Ama samanen-na, neukose au ta la'o ela Ama fa.” Da'di duas la'ok lakandoo leo Yerikho leu.

2RAJA-RAJA 2:6

Basa boema, Elia nafa'da Elisa nae, “Mahele neme ia, te Manetualain nadenu au u Lee Yarden-na u.” Tehu Elisa nataa nae, “No Manetualain, fo maso'dak-ka na'den-na, ma Ama samanen-na, au ta la'o ela Ama fa.” Boema, duas la'ok lakandoo Lee Yarden-na leu,

2RAJA-RAJA 4:30

Boema, inak ndia nae, “Ama Elisa! No Manetualain fo maso'dak-ka na'den-na, ma no Ama samanen-na, neukose au ta la'oela Ama fa!” Hu ndia de, Elisa sama-sama no inak ndia, leu leo inak ndia uman leu.

1 TAWARIKH 4:10

Tehu Yabes hule-haladoi neu Manetualain fo hataholi Israel-la sene-do'ok-ka nae, “Ou Manetualain, ba'e-pala au leona, ma sa'di leo been-na tao mamaloa au nusang-nga. Masulu-mahapa au, ma madook susa-soe neme au mai, fo ela au boso doi-doso.” Boema Manetualain sipok nonoken-na.

SEMUEL SUSULAK-KA ESAN-NA 17:55

Lelek Saul nita Dauk neu la'ban Goliat boema, natane Abner, fo malanga solda'dun-na nae, “Abner, see ni'iana ndia?” Abner nataa nae, “Atam-ma ta bubuluk fa, Ama Manek.”

SEMUEL SUSULAK-KA ESAN-NA 20:3

Boema, Dauk nataa nae, “O amam bubuluk besa-besa nae o sue-lai au. Da'di, tao leo bee-o, ana ta nau nafa'da dede'ak ndia neu o fa, fo ela o dalem-ma boso he'dis-sa. Tao leo beek boeo, no Manetualain fo maso'dak-ka na'den-na, te'e-te'e au so'dang-nga, sama leo manutolo nai kapa susula pe'dan-na!”

SEMUEL SUSULAK-KA ESAN-NA 25:26

Manetualain kena-ka'i basa au Ama Manek, fo boso balas ma taomisa Tuan musun-nala. Ma besak ia, au Tuang-ngonei, au no Manetualain fo maso'dak-ka, atam-ma soo, sa'di leo been-na, au Ama Maneng musun lala'en-na, ma hataholi see fo nahiik tao soe au Ama Maneng ua-nalen, sama-na leo Nabal ua-nalen.