SEMUEL SUSULAK-KA ESAN-NA 1:11 - Susula Malalaok Hehelu Palak Ma Hehelu Beuk

¹¹ Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”

SEMUEL SUSULAK-KA ESAN-NA 1:11 Σταυροειδείς Αναφορές

KEJADIAN 28:20

Boema Yakob soo nae, “Metema, Manetualain tulu-fali, ma nasulu-nahapa au, nai leleo-lala'ok ia dalek, ma Ana fe au nana'a ma bua papakek,

KEJADIAN 29:32

Lea nailu, boema ana bongi anatouk esa. Nafa'da nae, “Amak-ka nita basa au susang-nga so, de besak ia, neukose au saong-nga sue au.” Boema ana foi anan ndia na'de Ruben.

KEJADIAN 30:22

Boema, Manetualain nafandele neu Rahel; Manetualain sipok hule-haladoin, de Ana fen bongi anak.

KEJADIAN 8:1

Manetualain ta nafandele heni Noh ma basa bana lala'en, fo sama-sama loon nai ofak ndia dalek. Manetualain fe anin-na mai, de nalosa oe ndia mulai ma'da.

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

MAZMUR 25:18

Taoafik neu au doi-dosong, ma au toto'a-tataang, ma fe do'o do ampon neu basa au sala-sinong-ngala.

KELUARAN 4:31

Boema lamahele, ma nai lelek lamanene lae Manetualain, taoafik neu leoina Israel-la, ma nita sila doi-doson lala'en-na boema, lakaluku-lakatele.

AMSAL 31:2

“Anang-ngonei, au susueng-ngonei, au bongi o, da'di neu natataak neu au huhule-haladoing. Ade, au sanga afa'da o beek?

PENGKHOTBAH 5:4

Malole lenak boso tao hehelu-balataak, neme tao hehelu-balataak, tehu ta nanatao natetuk fa.

IMAMAT 27:2

nakanenetek ia-la, soaneu leoina Israel-la. Metema, hataholi esa, nanatunu-hotuk soaneu Manetualain, fo soi-na nasar hehelik esa soona, bole soi-na hataholi ndia nenik doik,

BILANGAN 21:2

Boema, hataholi Israel-la tao nasar, de lafa'da Manetualain lae leoia, “Metema O fe ami sengi leoina ndia soona, neukose ami tao makalulutuk sila loo sila kotan-nala, losa basa la'iesak-kasa.”

BILANGAN 6:11

Imam-ma muse tunu-hotu manupui esa, soaneu tutunu-hohotuk fo sala-singok hapu do'o do ampon, ma manupui esak-ka soaneu tutunu-hohotu nanatunuk, fo tao namopo manggenggeon-na. Nai faik ndia boe, muse ana fe hehelik langadoon-na neu Manetualain,

BILANGAN 6:5

Nai faik-faik fo ana be fe nasar-ra, ana ta bole nggute langadoon-na, do nggeu nggolomein-na fa. Nai lelek ndia, muse namaa langadoon-na, ma nggolomein-na, nemen-na fo lamanalu. Hataholi ndia nanapa'ak no ndia nasar-na, losa basa tepo lelek, fo ana fe hehelik aoinan-na neu Manetualain.

BILANGAN 6:8

Nai lelek ana da'di hataholi nazir, ndia nde been-na hataholi hehelik soaneu Manetualain.

HAKIM-HAKIM 11:30

Yefta tao hehelu-balataak-ka nde ia no Manetualain nae, “Metema, Manetualain fe au loak, fo au sengi hataholi Amon-nala,

HAKIM-HAKIM 13:5

Bongi basa o anam ndia soona, boso nggute langadoon-na makandondook, nana nai lelek bei nai ilun dale-a, ni'iana ndia nananaketu basak, soaneu da'di hataholi nazir. Ndia nde neukose, puselaipana soaneu soi-po'i hataholi Israel-la neme hataholi Filistin-nala koasan-na mai.”

SEMUEL SUSULAK-KA ESAN-NA 1:12

Hana hule-haladoi doon-na seli, de Eli taoafik neu inak ndia bafan-na.

SEMUEL SUSULAK-KA ESAN-NA 1:19

Balahaa boema, Elkana no uma isin-nala fo'a fafaik, de ala makaluku-makatele basa neu Manetualain boema, ala fali leo Rama leu. Boema Elkana sungu no saoinan Hana ndia, de Manetualain sipok Hana huhule-haladoin.

SEMUEL SUSULAK-KA ESAN-NA 1:22

Tehu oek ia, Hana ta tunga fa. Nafa'da saotoun-na nae, “Mahani fo fina heni Semuel soona, neukose au on leo Manetualain Uman neu, ma nai fai maso'dan-na dalek, neukose ana leo nai naa.”

SEMUEL SUSULAK-KA ESAN-NA 1:27

Ni'iana ia nde, au oken neme Manetualain mai. Ana sipok au huhule-haladoing,

SEMUEL SUSULAK-KA ESAN-NA 1:28

ma hu ndia de, au fe ni'iana ia, fo ana da'di Manetualain nuun losa maten.” Basa ndia boema, ala lakaluku-lakatele neu Manetualain.

SEMUEL SUSULAK-KA ESAN-NA 2:20

Boema Eli fe baba'e-papalak neu Elkana no saon-na, de nafa'da Elkana nae, “Sa'di leo been-na, Manetualain fe seluk o anak neme o saom ia mai, fo ana nggati ni'iana fo o fe basan neu Manetualain so.” Basa ndia boema, ala fali le'us leo Rama leu.