Yobe 5:9 - MUKANDA WA MYIDI MUKULU

⁹ Yeye ke udi wenza malu manene, adi muntu kayi mua kujingulula. Udi wenza bishima bungi kabuyi kubala.

Mukanda wa Nzambi Dihungila Dikulukulu ne Dihungila Dihia-dihia 2003

⁹ udi wenza malu manene ne malu adi bantu kabayi mua kujingulula, ne malu a kukema adi kâyi mua kubadibua:

Yobe 5:9 Σταυροειδείς Αναφορές

Yobe 10:16

Kadi pandi mbanduluka, mpeta bukole, udi ungipata meme bu nyama wa ntambue, udi unzaza, wenza nansha malu a kukema, bua kunkuatshisha bowa.

Yobe 13:1

Nanku bionsu binudi nuamba ebi, ndi mumane kubimona kale. Ndi mumane kubiumvua, mubijingulule.

Yobe 37:14

Yobe, bionsu ebi ubiteleje ne ntema. Juka, utangile malu a dikema adi Mvidi Mukulu muenze.

Yobe 37:16

Udi mumanye mudi mavuba malembelele mulu anyi? Amu udi mumanye bionsu, ke udi mua kuenza tshishima tshia nanku.

Yobe 37:5

Tshiona tshikole tshidi tshikemesha bantu, bualu ntshishima tshidibu kabayi mua kujingulula.

Yobe 42:3

Wewe kungebeja ne: muudi wela mpata pa malu andi mulongolole, muudi wakula pa malu audi kuyi mujingulule mbishi? Eyowa, ndi ntonda ne: mvua muakule pa malu adi mampite, pa malu a dikema amvua tshiyi mua kumvua.

Yobe 9:10

Malu adiye muenze mmanene, muntu kena mua kuajingulula. Kena nansha mua kubala bishima biende bungi buabi.

Misambu 139:18

Mua kuabala mmunyi? Adi mapite lusenga bungi. Nansha meme muabale, tshiena mfika ku dikujingulula.

Misambu 145:3

Wewe Maweja-Nangila udi munene, ne bantu bonsu nebakutumbishe, bualu buneme buebe kabuena ndekelu.

Misambu 40:5

Muntu udi utekemena kudi Maweja-Nangila, kayi ubuelakana ne benji ba bibi, nansha ne bena dishima, mmuena diakalenga.

Misambu 40:6

Maweja-Nangila, Mvidi Mukulu wetu, kakuena udi mukufuane. Bishima biudi mutuenzele mbivule, bilenga biudi musue kutusankisha nabi mbipite bungi. Tshiena mua kubilonda nansha kubibala.

Misambu 72:18

Tuele Maweja-Nangila, Mvidi Mukulu wa Izrayele, tuasakidila. Amu Yeye ke udi wenza malu a dikema.

Misambu 86:10

Bualu udi munene, udi wenza malu a dikema, udi amu wewe nkayebe, Mvidi Mukulu mulelela.

Muambi 3:11

Bionsu bidi Mvidi Mukulu muenze bidi bimpe, udi ubikumbaja ne tshikondu tshiabi. Uvua mutupeshe kabidi ne dijinga dia kumanya bia kale ne bitshidi kumpala. Kadi katuena mua kujingulula bionsu bidi Mvidi Mukulu wenza, biangatshile ku ntuadijilu too ne ku ndekelu nansha.

Yeshaya 40:28

Kuena mumanye anyi? Kuena mumvue bamba ne: Maweja-Nangila udi Mvidi Mukulu wa tshiendelele. Uvua mufuke buloba bujima. Katshia kena uteketa, kena upungila. Meji ende kabena mua kuajingulula.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?