Yobe 22:7 - MUKANDA WA MYIDI MUKULU

⁷ Uvua muimine muntu uvua ne nyota mayi a kunua. Uvua mupala uvua ufua ne nzala biakudia.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Kuena unuisha badi bahungila mai, ne udi uhala udi ne nzala bia kudia.

Yobe 22:7 Σταυροειδείς Αναφορές

Yobe 31:17

Mvua mudie biakudia bianyi anu nkayanyi anyi? Mvua mupale muana nshiya bimvua nabi anyi?

Matayi 25:42

Bualu mvua ne nzala, nuenu nansha kumpesha tshiakudia: Mvua ne nyota, nuenu nansha kumpesha tshiakunua.

Yeshaya 58:7

kuabanyangana tshiakudia tshienu ne muntu udi ne nzala. Nubueje bapele, ne badi kabayi ne pa kulala mu nzubu muenu. Nuvuadike bantu badi kabayi bilamba. Kanubengi kuenzela muanenu bimpe.

Yezekiyele 18:16

Kena ukengesha muntu, kena wiba, kena wangata tshieya kudi bena mabanza ende. Udi upesha muntu udi ne nzala biakudia, upesha muntu udi butaka tshilamba.

Yezekiyele 18:7

Kena ukengesha muntu, nansha wiba muntu awu. Udi upingaja tshieya tshivua muena dibanza mumueyeke. Udi upesha muntu udi ne nzala biakudia, upesha muntu uvua butaka tshilamba.

Rome 12:20

Mukanda wa tshijila udi wamba kabidi ne: “Padi muluishi webe ne nzala, umupeshe biakudia. Padiye ne nyota, umupe biakunua. Bualu paudi wenza nanku, nebikale bu makala atema kapia, audi unguija pa mutu wende.”

Yeshaya 58:10

panudi nuabanyangana tshiakudia tshienu ne muntu udi ne nzala, panudi nudisha muntu udi ne dikenga, nenku butoke nebuipate miidima muaba unudi nusombela. Pa mutu pa kuikala mu miidima, nenusombe mu butoke bu munda munya.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Misambu 112:9

Udi upesha bapele bintu tshipapa, Mvidi Mukulu udi umuanyisha matuku onsu. Bukole buende ne butumbi bidi bivulangana.

Yobe 31:31

Udi kayi mudie munyinyi muanyi, nnganyi? Benyi bonsu bamvua muakidile badi mua kujadika bindi ngamba.

Yobe 31:16

Mvua mubenge kuambuluisha bapele anyi? Mvua mushiye bakaji bakamba mu dikenga anyi?