Osheya 6:5 - MUKANDA WA MYIDI MUKULU

⁵ Ke pandi nnuluisha, nnutumina bambi bua banubele. Ndi nnumanyisha ne: nenubutuke. Tshindi njinga bualu buenu, tshidi patoke too bu munya.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku nakubafila ku mei a baprofete, nakubashiha ku mei a mukana muanyi; ne kulumbulula kuanyi kudi kuhatuka bu mudi munya uhatuka.

Osheya 6:5 Σταυροειδείς Αναφορές

Yirmeya 23:29

Numanye ne: muaku wanyi udi bu kapia, bu nyindu mukole, udi uzaza lubuebue.

Yirmeya 1:10

Tangila, lelu ndi nkupa mudimu wa kuenza munkatshi mua bisamba ne makalenga, wa kujuula ne miji, ne wa kushimbula, wa kubutula, ne wa kunyangakaja, kadi kabidi wa kuasulula ne kukuna.

Yirmeya 5:14

Maweja-Nangila wa bukole buonsu udi wamba ne: “Bu mudibu bakula nanku, wewe Yirmeya, ndi nkutuma. Meyi audi wamba ikale bu kapia. Bantu aba nebikale bu nkunyi. Kapia aka nekababutule.

Ebrewu 4:12

Bualu muaku wa Mvidi Mukulu udi muoyi kabidi ne bukole. Udi mutue mupite muele wa nkanza. Udi ubuela too ne muaba udi muoyi wa muntu ne mueyelu bipetangana, too ne muaba udi manungu ne bongu bua mu mifuba bilengangana. Udi upisha nansha ubingisha majinga ne meji adi mu muoyi wa muntu.

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Didimanyisha 9:21

Bantu aba kabavua nansha badilengeja ku bibidilu biabu bibi bia kushipangana, kuenza malu a majimbu, kuenda buendenda, kuibangana bintu.

Didimanyisha 9:15

Kusululabu batumibue banayi abu. Bavua babalongolola amu bua diba adi, dituku adi, ngondu awu, ne tshidimu atshi, bua kubutulabu tshia bisatu tshia bantu bonsu.

Didimanyisha 2:16

Nanku, udilengeje. Tshianana, nemfike kuudi amu mpindiewu. Nenduishe bantu aba ne muele udi upatuka mukana muanyi.

Didimanyisha 1:16

Uvua ne mitotu muanda mutekete mu tshianza tshiende tshia balume. Muele mutue wa nkanza uvua upatuka mukana muende. Mpala wende uvua ukenka bu diba munda munya.

Bienzedi 7:31

Moshe kukatshila bivuaye mumone abi. Kusemenaye pabuipi bua kubibandila. Kumvuaye diyi dia Maweja-Nangila, diamba ne:

Sefanya 3:5

Kadi Maweja-Nangila udi amu mu tshimenga etshi, bua kukosa nsambu pa yoyi, kumushamu malu mabi. Dinda dionsu udi ulumbuluisha bantu. Kadi nansha nanku, bantu babi badi amu benza malu mabi, kabayi ne bundu!

Yezekiyele 43:3

Malu avua Mvidi Mukulu undeja avua mafuanangane ne amvua mumone pavuaye mufike bua kubutula Yerushalayime, ne amvua mumone pamvua ku muelelu wa musulu wa Kebare. Nanku meme kutua mpala panshi.

Yezekiyele 3:9

Newikale ne bukole bu bua dibue dia mbongo, didi dikole dipite lubuebue. Kadi kuikadi ne bowa, kubatshinyi. Vuluka mudibu bantu ba tshitunu.

Yirmeya 13:13

ubambile ne: Maweja-Nangila udi wamba ne: “Bena ditunga edi bonsu, nansha bakalenga mene badi basombe mu nkuasa wa Davide, nansha batuangaji, bambi, ne bantu bakuabu ba mu Yerushalayime, nembanuishe maluvu bua bakuatshike kashidi.

Yirmeya 1:18

Biangatshile lelu, nenkupeshe bukole. Newikale bu tshimenga tshikolesha ne bimana, bu dikunji dia tshiamu, bu tshimana tshiasa ne tshiamu tshikunze, kumpala kua bena ditunga bonsu, kua bamfumu ba bena Yuda, balombodi ba mu bukalenga, batuangaji ne bantu bakuabu bonsu, badi basomba mu bukalenga.

Yeshaya 58:1

Maweja-Nangila udi wamba ne: Ela lubilu lukole. Kulekedi to. Diyi diebe difike kule, bu mudi muadi wa mpungi. Vuluija bantu banyi mudibu bantombokela. Manyishayi ndelanganyi ya Yakobe bilema biayi.

Yeshaya 11:4

Nealumbuluile bantu badibu bapetula. Neakose tshilumbu tshia bapele ba mu ditunga amu pa tshiotshi. Meji ende adi bu mutshi wa kutekesha nawu bantu ba mu ditunga. Udi ukosa nsambu, ushipesha muena tshibawu.

Misambu 119:120

Mubidi wanyi udi uzakala bua kukunemeka, ndi ne bowa bua mapangadika ebe.

Misambu 37:6

Neakulumbuluile, akubingishe. Neutoke bu munya wa mu dinda, neukenke bu diba munda munya.

Yobe 34:10

Nuenu bena meji, nunteleje. Mvidi Mukulu udi mua kuenza bibi anyi? Wa bukole buonsu udi mua kukengesha muntu anyi?

2 Kulondolola 21:12

Dituku dikuabu, Yorame kupeta mukanda ufumina kudi muambi Eliya. Uvua mufunde ne: “Maweja-Nangila Mvidi Mukulu wa nkambua webe Davide, udi wamba ne: kuena mulonde tshilejilu tshia tatuebe Yosafate, nansha tshia kakuebe Asa, mukalenga wa bena Yuda.

2 Bakalenga 1:16

Eliya kuambila mukalenga Akaziya ne: — Maweja-Nangila udi wamba ne: “Bu muudi mutume bantu kudi mvidie Baale Zebube, udi mu tshimenga tshia Ekrone bua kumukonka malu, mmumue ne: ku mesu ebe, mu ditunga dia bena Izrayele kamuena Mvidi Mukulu udibu mua kukonka malu. Nanku, kuena ujuka mu bulalu muudi mulale emu to, neufue!”

1 Bakalenga 19:17

Bantu bikale bapanduka mu mvita ya Azayele, Yehu neabashipe. Bantu bikale bapanduka mu mvita ya Yehu, Elisha neabashipe.

1 Bakalenga 18:17

Anu Akabe umona muambi Eliya, kumuambilaye ne: — Wewe ke udi ukengesha bena Izrayele!

1 Bakalenga 17:1

Muambi Eliya uvua mu musoku wa Tishebe, mu ditunga dia Ngilaade. Kuambilaye mukalenga Akabe ne: — Bu mudi Maweja-Nangila ne muoyi, Mvidi Mukulu wa bena Izrayele undi ngenzela mudimu, ndi ngamba ne: “Bidimu bidi kumpala ebi, lumuma kaluena mua kumata kabidi, mvula kena mua kuloka, amu meme mumulombe.”

1 Bakalenga 14:6

Anu muambi Akiya umvua mikuma mu tshiibi tshiende, kuelaye diyi ne: — Muena kua Yerobowame, buelaku! Kadi, udi mudisokoke, udileja bu mukaji mukuabu bua tshinyi? Nansha wewe muenze nanku, ndi nkuambila bualu bua dibungama.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.

1 Samuele 13:13

Samuwele kuandamuna ne: — Udi muenze bualu bubi budibu benza kudi muntu udi kayi ne lungenyi to! Kuena munemeke bionsu bivua Maweja-Nangila Mvidi Mukulu webe mukuambile to. Bu wewe muenze bionsu bivuaye mukuambile, nanku Maweja-Nangila uvua mua kuitaba bua diku diebe dishale diku dia bukalenga bua bena Izrayele kashidi.

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Efeze 6:17

Tshienu tshifulu tshinudi nuasa, ke dijadika dia ne: netupande. Muaku wa Mvidi Mukulu, ke muele wa mvita udi Mueyelu wa Tshijila unuteka mu bianza.

1 Samuele 15:32

Ke Samuwele kutuma diyi bua bafike ne Agage, mukalenga wa bena Amaleke. Agage kufika ne disanka bualu uvua wela meji ne: “Ndi mumane kupanda ku lufu.”

1 Samuele 15:33

Kadi Samuwele kuambila Agage ne: “Muela webe wa mvita uvua mushipe bana, bamamu bashale bianza bitupu. Nanku, mamuebe neashale kayi ne muana.” Samuwele kushipa Agage, kumusaya kumpala kua tshilambuilu tshia Maweja-Nangila mu Ngilgale.

Yezekiyele 32:18

— Yezekiyele, dila muadi bua bena Ejipitu. Muadi webe ubalunguluje mu kandondu ka bafue pamue ne bisamba binene bikuabu.

Yobe 15:30

Kena mua kupatuka mu miidima nansha. Neikale bu mutshi udi kapia kosha matamba! Mueyelu wa Mvidi Mukulu neumuipate kule.

Yezekiyele 11:4

Nanku, wewe muntu, ufunde bantu aba ku tshilumbu, wenza mudimu webe wa buambi.