Osheya 4:11 - MUKANDA WA MYIDI MUKULU

¹¹ Bundumba ne dikuatshika dia maluvu bidi binyanga lungenyi lua muntu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Masandi ne maluvu ne nvinyo mihia-mihia bidi biumusha meji a mu mutshima.

Osheya 4:11 Σταυροειδείς Αναφορές

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Luke 21:34

— Dimukayi! Kanubuelakanyi amu mu bibilu, mu bunuavi, ne mu ntatu ya panu. Bualu dituku didibu bakosa nsambu ya bantu didi mua kunujikidila diakamue,

Yeshaya 28:7

Nansha batuangaji ne bambi, badi batenkakana, bakuatshika maluvu makole. Bavua banua maluvu makole mapite bungi, kabayi nansha mua kuimana kulu, lungenyi luabu lujimina. Bambi badi bamona malu, kabayi mua kuajingulula. Batuangaji badi bakosa bilumbu, batatakana, badishinda panshi.

Osheya 4:12

Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Yeshaya 5:12

Bisanji, lunzenze, ngoma ne nshiba, bidi bidila, padibu banua maluvu, kabayi balekela. Kadi kabena belangana meji ku bidi Maweja-Nangila wenza, kabena bavuluka mudimu udiye ukuata.

Muambi 7:7

Padi muena meji ukengesha muntu, udi wenza amu bu muntu mupale. Mabuejila adi mua kumunyanga muoyi.

Nsumuinu 6:32

Muntu udi wambisha mukaji, mmubule lungenyi. Udi udikebela yeye nkayende kabutu.

Lewitiki 10:9

— Wewe ne bana bebe, kanuena mua kunua maluvu a mvinyo, nansha a kapia, panudi nubuela mu ntenta wa kusambakena, bualu nudi mua kufua. Mukenji ewu ushale kashidi kunudi ne kudi ndelanganyi yenu.

1 Samuele 25:36

Abiyayile upingana ku nzubu, kusanganaye Nabale wenzeja tshibilu. Tshivua tshibilu tshinene bu tshia mukalenga. Nabale uvua ne disanka dia bungi, mumane kukuatshika maluvu bikole. Nanku Abiyayile kena mumuambile bualu nansha bumue too ne muakatshiabu.

Nsumuinu 31:4

Lemuwele, umanye bimpe ne: bakalenga ne bamfumu badimukile maluvu makole.

Osheya 7:11

Bena Efrayime mbafuanangane ne nyunyi wa nkudimba mupale udi kayi ne lungenyi. Badi babikila bena Ejipitu bua babambuluishe. Pashishe badi banyema baye ku bena Ashure.

Yirmeya 23:13

“Bimvua mumone kudi bambi ba mu Samariya, bivua bintonde menemene. Meme Maweja-Nangila ndi ngamba nanku. Bavua bakula mu dina dia mvidie Baale. Bavua bapambule bantu banyi bena Izrayele.

Osheya 5:4

Buenzayi bua bena Izrayele mbupite. Nanku kabena mua kupingana kabidi kudi Mvidi Mukulu wabu to. Meji a bena Izrayele, adi anu ku tshiendenda. Kabena bamanye Maweja-Nangila.