Nsumuinu 8:18 - MUKANDA WA MYIDI MUKULU

¹⁸ Ndi mpeteshangana bubanji, lumu, biuma bidi bishala kashidi, ne diakalenga dilelela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Biuma ne butumbi bidi kundi, biuma mene bidi bishala musangu mule ne buakane bidi kundi.

Nsumuinu 8:18 Σταυροειδείς Αναφορές

Misambu 112:3

Mu nzubu muende mudi lupetu ne bubanji, buakane buende mbua tshiendelele.

Misambu 36:6

Maweja-Nangila, bulenga buebe mbutue ne mu diulu. Biudi wamba, udi ubikumbaja ne mu mavuba.

Nsumuinu 11:4

Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Nsumuinu 24:4

Udi uuja mayeba ne bintu bilenga bia mushinga mukole amu padiye ne dimanya.

Nsumuinu 3:16

Meji adi ambuluisha muntu bua kulala panu matuku mulongulongu. Adi amupetesha bubanji ne lumu.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Luke 10:42

Kadi kudi bualu bumuepele bunudi nukengela. Mariya mmusungule tshidi tshipite buimpe, tshidibu kabayi mua kumunyenga.

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Filipe 4:19

Bilondeshile biuma biende ne butumbi buende, Mvidi Mukulu neanupeshe kudi Yezu Kristu bionsu binudi nukengela.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Didimanyisha 3:18

Ke pandi nkupesha lungenyi, bua usumbe kundi mpawungi muengulula mu kapia. Nanku newikale mubanji. Usumbe kabidi bilamba bitoke bua ubivuale, usokoke butaka buebe, ulekele kufua bundu. Usumbe kabidi buanga bua kuela mu mesu, bua umone.