Nsumuinu 31:13 - MUKANDA WA MYIDI MUKULU

¹³ Udi ukeba miosa ya mikoku ne buanda bua ndanda, ukuata nabi mudimu ne disuminyina.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Udi ukeha miosa ya mikoko ne buanda bua lin, udi wenza mudimu wa bianza ne disanka.

Nsumuinu 31:13 Σταυροειδείς Αναφορές

Ekesode 2:16

Mu Madiyane muvua mutuangaji Yetro ne bana bende ba bakaji muanda mutekete. Dituku adi bana ba bakaji abu kupueka bua kusuna mayi a kuela mu luvu bua kunuisha bimuna bia tatuabu.

Nsumuinu 31:12

Kena umuenzela bibi nansha musangu umue. Kadi udi umusankisha matuku ende onsu.

Nsumuinu 31:14

Mmufuanangane ne majuwa adi ambula biakudia. Udi ukeba biakudia kule, ubifikisha ku mbelu.

1 Tesalonike 4:11

Nudibambe bua numone mua kusomba ku matshi talalaa, kanuyi nubuelakana mu malu a bantu bakuabu. Nudipetele biakudia amu ku midimu inudi nukuata, bu mutuvua bamane kunuambila.

1 Timote 5:10

Bantu bajadike muvuaye muenze malu mimpe, muvuaye mukoleshe bana bende biakane, muvuaye muakidile benyi kuende, muvuaye muoweshe bena ditaba makasa, muvuaye muambuluishe bakengi, mukuate midimu mimpe yonsu.

1 Timote 5:14

Ke pandi musue bua bansongakaji badi bafuishe balume, baye ku mabaka, balele bana, bakuate midimu ya mu nzubu, bua baluishi hetu kabamonyi pa kutujanyina.

Tite 2:5

Babalongeshe mudibu mua kuikala bena meji, ba munda mutoke, badi bakuata midimu ya nzubu ne mankenda. Bikale kabidi bantu ba muoyi muimpe, badi batumikila babayabu, bua muntu kapendi muaku wa Mvidi Mukulu.

Rute 2:23

Nanku, Rute kulamata bena mudimu ba Bowaze, too ne pajikila dinowa dia ntete ya mishindu yonsu. Kadi uwa anu usomba kumbelu kua mamuenende.