Nsumuinu 3:9 - MUKANDA WA MYIDI MUKULU

⁹ Ela Maweja-Nangila tuasakidila, umulambule bia ku midimu yebe, umulambule bintu bia tshianyi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tumbisha Yehowa ne biuma biebe ne mamuma a kumudilu a mu madimi ebe.

Nsumuinu 3:9 Σταυροειδείς Αναφορές

Genese 28:22

Dibue dindi muimanyike edi ndia tshijila. Nedikale nzubu wa Mvidi Mukulu. Nenkupingajile tshia dikumi tshimue tshia bintu bionsu biudi mumpeshe.

2 Kulondolola 31:10

Azariya mutuangaji munene wa mu diku dia Sadoke, kuandamuna mukalenga Izkiya ne: — Katshia bantu batuadije kufila tshitupa tshia bintu bivuabu banowa mu madimi abu, mu nzubu wa Mvidi Mukulu, tuvua tudia tukuta, tushala ne biakudia bikuabu bia bungi. Bualu Maweja-Nangila uvua muele bena Izrayele lupemba. Biakudia bidibu bakunguja muaba ewu ebi, ke bidi bishale.

2 Kulondolola 31:21

Pavua Izkiya ulongolola nzubu wa Mvidi Mukulu, ukuata mudimu bua bantu banemeke meyi ne mikenji bia Mvidi Mukulu, uvua wenza muende muonsu bua amanye tshidi Mvidi Mukulu musue. Uvua muenze nanku ne muoyi wende mujima. Mvidi Mukulu uvua umuambuluisha.

Misambu 144:13

Mayeba etu uwule ne bintu bia mishindu yonsu! Mikoku yetu mu mpata, ivulangane misangu tshinunu, nansha misangu binunu dikumi!

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Ekesode 23:16

“Tshibilu tshibidi tshikala tshia kunowa bintu bia kumpala bia mu madimi enu. “Tshibilu tshisatu nuikala nutshienza ku ndekelu kua tshidimu, pajika dinowa dia bintu bia mu madimi enu.

Ekesode 23:19

“Bintu bia kumpala binudi nunowa mu madimi enu, nufike nabi mu nzubu wanyi, bualu ndi Maweja-Nangila Mvidi Mukulu wenu. “Panudi nulamba munyinyi wa muana wa mbuji, kanuedimu mabele a mamuende to.

Ekesode 34:26

Bintu bia tshianyi binudi nunowa mu madimi enu, nubilambule mu nzubu wa Maweja-Nangila Mvidi Mukulu wenu. Kadi, panudi nulamba munyinyi wa muana wa mukoku nansha wa muana wa mbuji, kanuedimu mabele a mamuende to.”

Nsumuinu 11:25

Muntu udi wenzelangana bimpe, neapete diakalenga. Udi upa mukuabu tshiakunua, kakufua nyota.

Nsumuinu 14:31

Muntu udi ukengesha mupele, udi upenda Mvidi Mukulu wakamufuka. Kadi udi umuambuluisha, udi unemeka wakamufuka.

Yeshaya 43:23

Kuena mundambule meme, kuena mungoshile bana ba mikoku to. Unudi banemeke ne milambu yenu, ki mmeme to. Meme tshiena mukubueje mu bupika, bua kukuenzela malu ku bukole, bua wewe kundambula milambu. Tshiena mukutonde pa kukulomba milambu ya manananshi.

Lewitiki 19:25

Kadi biangatshile mu tshidimu tshitanu, nudi mua kutuadija kudia bimuma. Nuenu benze nanku, biakudia bienu nebivulangane. Bualu meme ndi Maweja-Nangila Mvidi Mukulu wenu.

Dibadika 15:20

Nusope tshitapitapi, nuenze mikata, bua kuyindambula bu mudibu bandambula ntete inudi nushipula, panudi bamane kunowa.

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.

1 Korente 16:2

Dia lumingu dionsu, yonsu wa kunudi ateke ku luseke tshitupa tshia makuta ende, bilondeshile bungi buvuaye mupete. Atshilame mu nzubu, bua diba dindi mfika, kaditatshishi bua kukeba makuta.

Dielulula 14:29

Biakudia abi, nebiambuluishe bena Levi, badi kabayi ne muaba wa bumpianyi munkatshi muenu. Nebiambuluishe benyi, bana ba nshiya ne bakaji bakamba banudi nabu. Nebapete bintu bia kudiabu kuukuta. Nanku Maweja-Nangila Mvidi Mukulu wenu, neanuele lupemba mu bionsu binudi nuenza.