Nsumuinu 22:18 - MUKANDA WA MYIDI MUKULU

¹⁸ Newikale muena diakalenga, pawikala uvuluka malu andi ngamba, walongesha kabidi bantu bakuabu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bualu bua newikale ne disanka, biwâlama munda muebe, biajadikibuau ku mishiku yebe.

Nsumuinu 22:18 Σταυροειδείς Αναφορές

Misambu 119:103

Pandi ngumvua malongesha ebe, ndi ngamona masheme mapite buitshi.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:13

Mishiku yanyi idi ibala mapangadika onsu audi muambe.

Misambu 119:162

Ndi nsanka bua mukenji webe, bu mupete biuma bia bungi bia mushinga mukole.

Misambu 119:171

Mishiku yanyi itangalaje butumbi buebe, bualu udi undongesha biudi musue.

Misambu 19:10

Kunemeka Maweja-Nangila nkuakane, tumunemeke kashidi. Maweja-Nangila udi ukosa nsambu pa yoyi, kabayi mua kumudinga.

Nsumuinu 10:13

Muena meji badi bamumanyina ku miaku ya lungenyi idiye wakula, kadi udi kayi wela meji badi bamutuuta!

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Nsumuinu 15:7

Miaku ya muena meji idi itangalaja dimanya. Kadi batshimbakane badi mu mitu mutupu.

Nsumuinu 16:21

Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Nsumuinu 2:10

Newikale ne meji munda muebe. Dimanya nedikusankishe.

Nsumuinu 22:19

Ndi musue bua utekemene kudi Maweja-Nangila. Ke pandi nkulongesha kabidi malu lelu.

Nsumuinu 25:11

Muaku muimpe muambe pa bualu udi ne mushinga bu mudi tshintu tshivuabu basonga ne tshiamu tshia mpawungi, batshiteka pa dilonga dia tshiamu tshitoke tshia mushinga mukole.

Nsumuinu 3:17

Adi amuendesha mu njila wa diakalenga, mudiye wenda amu mu bupole.

Nsumuinu 4:20

Muananyi, teleja miaku yanyi. Umvua mundi nkubela.

Nsumuinu 4:21

Kupu mibelu yanyi muoyi. Kadi uyilame munda mua muoyi webe.

Nsumuinu 8:6

Telejayi: bindi nnuambila, bidi ne mushinga. Ndi nnuleja malu onsu patoke.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Yowanane 7:38

Ke padibu bafunde mu Mikanda ya tshijila ne: “Misulu ya mayi a muoyi neyipueke munda mua muntu udi ungitaba.”

Ebrewu 13:15

Nanku batumbishe Mvidi Mukulu diba dionsu. Ke wetu mulambu utudi tumulambula kudi Yezu. Mmomumue ne: tusamune dina diende mukana muetu katuyi tulekela.