Nsumuinu 2:7 - MUKANDA WA MYIDI MUKULU

⁷ Udi wambuluisha bantu badi babenga malu mabi. Udi bu mudi ngabu udi ulama badi benza biakane.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye udi ubutshila bantu bakane lungenyi ludi lubakuatshisha; udi biandi ngabu kudi badi benda ne mitshima mitoke;

Nsumuinu 2:7 Σταυροειδείς Αναφορές

Yobe 28:8

Nyama wa ntambue nansha nyama wa lonji, kabiena bianji kunyemena mu njila eyi to, nansha mukalenga wa bukua nyama kena muanji kupitshilamu.

Misambu 144:2

Yeye ke ditekemena dianyi ne tshisokomenu tshianyi, muaba wanyi mukole undi nsokomena, ne ngabu wanyi wa lupandu. Yeye ngudi untekeshila bisamba bia bantu.

Misambu 3:4

Kadi wewe, Maweja-Nangila, udi unjika bu ngabu. Udi umpa lumu, ndiumvua ne bukole.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.

Nsumuinu 28:18

Muntu udi ulonda njila mululame neasombe talalaa. Kadi muena mpala ibidi, udi dikasa mu mayi dikuabu ku mukuna, neadishinde panshi.

Nsumuinu 30:5

“Bionsu bidi Mvidi Mukulu ulaya udi ubikumbaja. Udi ngabu wa mvita, udi ulama muntu yonsu udi usokomena kudiye.

Nsumuinu 8:14

Mudimu wanyi nkubela ne kudimujangana. Ndi lungenyi mene. Meme ke udi upeshangana bukole.

1 Korente 1:19

Ke padi Mukanda wa tshijila wamba ne: “Nembutule meji a bena meji, nembenge dimanya dia bena lungenyi.”

1 Korente 1:24

Kadi bua bonsu badi Mvidi Mukulu mubikile, nansha bena Yuda nansha bantu ba bisamba bikuabu, Kristu udi bukole bua Mvidi Mukulu, kabidi ne meji a Mvidi Mukulu.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.