Nsumuinu 2:2 - MUKANDA WA MYIDI MUKULU

² Teleja bidi meji akuambila, udibambe bua kuajingulula.

Mukanda wa Nzambi Dihungila Dikulukulu ne Dihungila Dihia-dihia 2003

² bua wewe utelejishe matshu ebe ku meji, bua kufila mutshima webe ku dijingulula dia mianda;

Nsumuinu 2:2 Σταυροειδείς Αναφορές

Misambu 90:12

Utunwuije ne matuku etu adi mabala. Nanku netupete meji.

Nsumuinu 18:1

Muntu udi udinanga, udi udilamuna kudi bakuabu. Udi ufika munda padibu bafila meji makuabu.

Nsumuinu 2:3

Ulombe diambuluisha kudi lungenyi, uteleje bidilu lukuambila diba dia dikenga.

Nsumuinu 23:12

Teleja bimpe badi bakulongesha. Teya matshi ku miaku ya badi bakubela.

Nsumuinu 4:1

Bana banyi, telejayi mudi tatu unulongesha. Nuikale ne ntema bua nupete lungenyi.

Nsumuinu 4:20

Muananyi, teleja miaku yanyi. Umvua mundi nkubela.

Nsumuinu 6:32

Muntu udi wambisha mukaji, mmubule lungenyi. Udi udikebela yeye nkayende kabutu.

Muambi 7:25

Nenku meme kutuadija kulonga malu, meme kukeba mua kujingulula bidi panu. Mvua musue kujingulula tshidibu babikila meji. Mvua mukebe bua bandamune ku nkonku imvua nayi pa malu onsu adi enzeka! Meme kumona ne: kuikala muntu mubi, nansha mupote, mbupale.

Muambi 8:16

Mvua muenze muanyi muonsu bua kumanya mudi muntu mua kupeta meji. Mvua njooja kabidi midimu idi bantu bakuata pa buloba. Meme kumona ne: nansha tuetu bashale ne tshitabela munya ne butuku, katuena mua kumanya mudi Mvidi Mukulu upita ne malu onsu adi amueneka pa buloba to. Nansha tuetu bakeba bapungila, katuakumanya mudi Mvidi Mukulu ukuata mudimu. Muntu wa meji udi wamba ne: meme ndi mumanye, udi udidinga.

Muambi 8:9

Mvua mukenkete bionsu bidi bienzeka pa buloba. Bantu bakese badi ne bumfumu, bakengesha bantu nabu.

Yeshaya 55:3

Ntelejayi meme. Luayi kundi. Umvuayi diyi dianyi, nenuikale ne muoyi. Maweja-Nangila udi wamba ne: “Ndi ntua nenu ndondu wa kashidi. Ndi musue kunuenzela bilenga bimvua mulaye Davide.

Matayi 13:9

Ke Yezu kuamba kabidi ne: — Muena matshi a kumvua wasangana kumvua anyiee? Umvuee!

Bienzedi 17:11

Bena Bereya bavua bantu ba disanka, bapite bena Yuda ba mu tshimenga tshia Tesalonike. Bavua bateleja muaku wa Mvidi Mukulu ne ntema. Dituku dionsu bavua babala Mikanda ya tshijila, bua kujadika bivua Polu wamba ne bidi bilelela.