Nsumuinu 18:23 - MUKANDA WA MYIDI MUKULU

²³ Mupele udi wakula udionga, kadi muena biuma udi wakula utanda.

Mukanda wa Nzambi Dihungila Dikulukulu ne Dihungila Dihia-dihia 2003

²³ Muntu muhele udi wakula mei a disengelela, kadi muntu mubanji udi ukudimuna ne mei makole.

Nsumuinu 18:23 Σταυροειδείς Αναφορές

Genese 42:30

— Mulombodi wa ditunga dia Ejipitu uvua ututandisha bikole, utuamba ne: nudi batentekedi.

Genese 42:7

Yozefe umona bana babu, kubamanya. Kadi kavua mudimanyishe kudibu nansha. Kubakanyinaye, ubebeja ne: — Nudi nufuma penyi? Kuandamunabu ne: — Tudi bumukile mu Kenaane. Tudi basue kusumba biakudia munemu.

1 Bakalenga 12:13

Mukalenga Robowame mumane kubenga lungenyi luwabu bamupesha kudi bakulu, kuandamunaye bena Izrayele ne lonji,

2 Kulondolola 10:13

Mukalenga Robowame mumane kubenga lungenyi luwabu bamupesha kudi bakulu, kuandamunaye bena Izrayele ne meyi atapa ku matshi,

Yobe 41:3

Uvua mudianze kunsombesha tshiende tshintu bua meme kumupingajilatshi nnganyi? Bintu bionsu bidi panu mbianyi meme!

Ekesode 5:2

Mukalenga wa bena Ejipitu kubandamuna ne: — Maweja-Nangila nnganyi? Meme tshiena mumanye Maweja-Nangila bua meme kuitaba diyi diende. Tshiena ndekela bena Izrayele baye to!

Nsumuinu 19:7

Mupele badi bamukina kudi bana babu. Yeye mupete bualu bunene, balunda bende badi bamubenga. Padiye ubasengelela, badi baya.

Nsumuinu 22:7

Mubanji udi mfumu wa mupele. Bantu badi basombangana bintu, badi bapika ba badi babasombesha.

Yeshaya 66:2

Tshionsu tshinudi numona, meme ke udi mutshienze ne bianza bianyi. Ndi nnuambila ne: bionsu ebi mbianyi. Kadi muntu undi ntangila ne disanka, ke muena muoyi wa bupuekele, udi unyingalala bua mibi yende, udi uteleja diyi dianyi ne luzakalu, ungitaba.

Matayi 5:3

— Bantu badi batekemena amu kudi Mvidi Mukulu, ke bena diakalenga, bualu nebikale nende mu Bukalenga bua mu diulu!

Yakobe 2:3

Nudi nupita kunemeka muntu udi muvuale bilamba bimpe, numuamba ne: “Sombela apa mu nkuasa muimpe.” Kadi nudi nuamba mupele ne: “Wewe imana kulu; nansha somba panshi ku makasa kuanyi eku.”

Yakobe 2:6

Kadi nuenu nudi nupetula bapele! Badi banukengesha, banufila miaba idibu balambuluisha bantu, ki mbena biuma anyi?

Rute 2:7

Uvua mundombe bua kupumbulula biakudia bidi banowi bashiya mu budimi. Mmukuate mudimu muaba ewu ku dinda too ne ku mpindiewu. Nyeye ewu utshibuelelaku bua kuikisha kakese.

1 Samuele 2:36

Nanku, muntu wa mu nzubu muebe wikale mushale ne muoyi, neaye kutua binu kumpala kua mutuangaji bua kupeta lukanu lutoke lumue lua mushinga mukole, nansha kapesa ka diampa. Neambile mutuangaji awu ne: ‘Bu wewe musue, mpeshaku mudimu muaba udi batuangaji ewu, bua mpeteku biakudia’.”

1 Samuele 25:10

Kadi Nabale kubakonka ne: — Davide wa Ishayi nnganyi? Matuku aa, bapika ba bungi badi batombokela bamfumu babu, babanyema.

1 Samuele 25:17

Nanku mpindiewu, ela meji bimpe, ukebe tshitudi mua kuenza. Bualu dikenga nedikuate mfumu Nabale ne bena nzubu wende, kamuyi mpata to. Nabale mmuntu wa malu makole. Kena musue bua muntu mukuabu kumuambilaye bualu to.