Nsumuinu 17:11 - MUKANDA WA MYIDI MUKULU

¹¹ Muntu mubi udi ukeba mua kuenzelangana bibi. Ke mudiye udikebela yeye nkayende diakabi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muntu mubi udi ukeba kutomboka, nunku nebamutumine messager wa lukisu bua kumukuata.

Nsumuinu 17:11 Σταυροειδείς Αναφορές

2 Samuele 15:12

Pavua Absalome ulambula milambu, kubikidishaye Akitofele, mufidi wa ngenyi wa mukalenga Davide, uvua musombela mu tshimenga tshia Ngilo. Nanku, bantu bavua ku luseke lua Absalome bavua benda basangana. Buntomboji buabu buvua buenda bukole.

2 Samuele 18:15

Bansongalume dikumi bena mvita, bavua bambula bia mvita bia Yowabe, inyunguluka Absalome, kumushipa kashidi.

2 Samuele 18:19

Akimase, muana wa Sadoke, kuambila Yowabe ne: — Itabe nye lubilu bua kuambila mukalenga Davide, mushindu udi Maweja-Nangila mu-mulumbuluila, mu bianza bia baluishi bende.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Samuele 20:22

Mukaji kuya kudi bana babu, kubabela bimpe. Nanku kukosabu mutu wa Sheba, kuwimanshilabu Yowabe. Yowabe kuelesha mpungi. Diakamue bena mvita bonsu kumukabu. Kupinganabu kuabu. Yowabe kupingana kudi mukalenga Davide mu Yerushalayime.

1 Bakalenga 2:31

Mukalenga kuandamuna ne: — Mbimpe bitambe! Umushipele muaba awu, bu mudiye muambe amu. Pashishe umujike. Nanku bena nzubu wa tatu wanyi Davide ne meme, katuakuikala kabidi ne tshilumbu, bua kusombuela bantu babidi bavua Yowabe mushipe kabayi bualu.

1 Bakalenga 2:46

Ke mukalenga Shelomu kutuma diyi, Benaya muana wa Yoyada kupatuka ne Shimeyi mu nzubu wa bukalenga, kumushipa. Biangatshile tshikondu atshi, bukalenga bua Shelomu kushindama bikole.

Nsumuinu 17:10

Mubelu udibu bapesha muntu wa lungenyi udi mupite nkodi lukama mituuta muntu mupote.

Nsumuinu 17:12

Bidi bimpe kusambakena ne nyama wa lonji uvuabu banyenga bana bende, pa mutu pa kusambakena ne tshidingidingi tshia kalanda-musenga.

Nsumuinu 24:21

Muananyi, unemeke Maweja-Nangila, unemeke ne mukalenga kabidi. Kubuelakanyi ne bantu badi basue kukudimuna malu onsu.

Matayi 21:41

Kumuandamunabu ne: — Kakumvuila bantu babi aba luse to. Neabashipe bonsu. Neashile bantu bakuabu budimi buende, bua bamupeshe pa diba tshiende tshitupa tshia bimuma bidibu banowa.

Matayi 22:7

Mukalenga kufika munda bikole. Kutumaye tshiluilu tshiende, bua kushipa bashipianganyi aba, ne kuosha tshimenga tshiabu.

Luke 19:27

Kadi bena lukuna banyi bavua kabayi basue bua meme kuikala mukalenga wabu, fikayi nabu apa. Nubashipe, meme mutangile.”