Nsumuinu 14:9 - MUKANDA WA MYIDI MUKULU

⁹ Batshimbakane kabena bavuluka mua kulongolola ntupakanyi. Kadi bantu bakane badi amu benzelangana bimpe.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bahote badi baseka bua malu mabi, kadi munkatshi mua bantu bakane mudi dinangangana.

Nsumuinu 14:9 Σταυροειδείς Αναφορές

Yobe 15:16

Kadi muntu udi muena buenzayi, matuku onsu udi wenza malu mabi, anu bu mudiye unua mayi ku dituku ku dituku.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Nsumuinu 10:23

Bubi budibu benza budi busankisha muntu mutatakane. Meji adi muena lungenyi upeta adi amusankisha.

Nsumuinu 11:20

Maweja-Nangila udi upetula bantu bena budimu. Kadi udi wanyisha bantu ba muoyi umue.

Nsumuinu 12:2

Maweja-Nangila udi wanyisha muntu muimpe, kadi udi udiwula muntu udi upangadika bibi.

Nsumuinu 13:15

Muntu wa lungenyi udi udinemeshisha kudi bantu. Muntu mubi udi usomba mu dikenga.

Nsumuinu 3:34

Maweja-Nangila udi upetula badi bamupetula; kadi udi unanga bantu bapuekele.

Nsumuinu 3:4

Nenku, nebakunange kudi Mvidi Mukulu ne kudi bantu. Neumwangane nabu.

Nsumuinu 30:20

Mukaji udi kayi ulamata bayende, udi wenda tshiendenda, wowa mayi, wamba ne: “Tshiena muenze bualu bubi nansha bumue.” Udi udiumvua amu bu muntu mumane kudia, ukupula ku mishiku.

Nsumuinu 8:35

Udi unsangana meme, mmupete muoyi, Maweja-Nangila neamuele lupemba.

Lewitiki 5:7

“Padi muntu kampande kayi ne mushindu wa kupeta dishina dia mbuji nansha dia mukoku bu mulambu wa kudikobolola, udi mua kulambula Maweja-Nangila tumandankutshi tubidi nansha nkudimba ibidi. Nyunyi umue ikale mulambu wa kudikobolola nawu. Mukuabu ikale mulambu wa kuosha.

Yuda 1:18

Bavua banuambile ne: ku nshikidilu bantu babi nebanuseke. Nebalonde majinga abu mabi.