Nsumuinu 14:3 - MUKANDA WA MYIDI MUKULU

³ Mu miaku ya muena dipote mudi ditambisha. Miaku ya bena meji idi ibepula ku njiwu.

Mukanda wa Nzambi Dihungila Dikulukulu ne Dihungila Dihia-dihia 2003

³ Mukana mua muhote mudi mulangala wa diambu, kadi mishiku ya bena meji idi ibalama.

Nsumuinu 14:3 Σταυροειδείς Αναφορές

Yobe 5:21

Kuena mua kutshina badi bakujana, kuakuikala ne bowa padi kabutu kakuata bantu.

Misambu 12:3

Bantu bonsu badi amu bashimangana. Badi batua muntu makumbu, munda muabu bikale bamujana.

Misambu 31:18

Maweja-Nangila, ndi nkutendelela, nanku kumfuishi bundu. Bundu mbua bantu badi kabayi bakuitaba. Bapuwe, bapueke mu kandondu ka bafue.

Misambu 57:4

Neantumine diambuluisha dia mulu. Neatatakaje udi undondakaja. Mvidi Mukulu udi pabuipi nanyi, bualu udi unnanga, ukumbaja malaya ende.

Nsumuinu 12:6

Miaku ya bantu babi idi mateyi adi akebela bantu lufu. Tshidi bantu bakane bamba, tshidi tshiepula bakuabu ku lufu.

Nsumuinu 13:3

Muntu udi ukuba ludimi luende, udi ukuba muoyi wende. Kadi udi wakula kayi wela meji, udi udijimija.

Nsumuinu 14:4

Muaba udi kauyi ngombe ya kudima nayi, mu diyeba mmutupu. Nyama ya dikanda idi ipetesha biuma bivule.

Nsumuinu 18:6

Miaku ya muntu mupote idi ikeba matandu. Tshidiye wamba tshidi tshikeba mvita.

Nsumuinu 18:7

Mupote udi udikebela lufu, miaku yende ke buteyi budi bumukuata yeye nkayende.

Nsumuinu 21:24

Muntu udi upepeja bantu, uditambisha, kena wangata tshintu nansha tshimue ne mushinga. Malu onsu adiye wenza adi aleja mudiye uditambisha kashidi.

Nsumuinu 22:8

Udi ukuna malu mabi udi upola dikenga; dikombu didiye utuutangana nadi neditshibuke.

Nsumuinu 28:25

Muena lukuka udi usonsola amu matandu. Kadi udi utekemena kudi Maweja-Nangila neatuute dikasa dimpe.

Danyele 7:20

Mvua musue kumanya bualu bua nsengu dikumi ivua nayi nyama ku mutu; lusengu lukuabu luvua lumena, lutula nsengu mikuabu isatu. Lusengu alu luvua ne mesu, kabidi ne mukana muvua muakule miaku ya ditambisha. Luvua lumueneka bu lupite nsengu mikuabu bunene.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

Didimanyisha 12:11

Bana betu mbamutshimune ku bukole bua mashi a Muana wa mukoku, ne ku bukole bua malu malelela avuabu bambe, bajadike. Bavua bajinga kufila muoyi wabu; nansha bua kufua bavua amu bitabe.

Didimanyisha 3:10

Bualu uvua mukumbaje diyi, dimvua mukutumine ne: una-nukile. Nanku meme panyi nenkulame tshikondu tshia dikenga tshikadi pa kufika pa buloba bujima, tshiatetabu bantu badi basapu.

1 Samuele 2:3

Kanuakudi meyi a bungi bua kuditambisha, kanuakudi kabidi nansha a kapeja. Bualu Maweja-Nangila udi Mvidi Mukulu, mmumanye bionsu, ulumbuluisha bantu bua bionsu bidibu benza.