Nsumuinu 13:18 - MUKANDA WA MYIDI MUKULU

¹⁸ Muntu udi ubenga kuteleja badi bamukolesha, neashale mupele udibu bapetula. Kadi udi uteleja mubelu, neapete lumu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Buhele ne bundu bidi bilua kudi muntu udi ubenga diyisha, kadi udi udimuka hadibo bamubela udi mutumbishibue.

Nsumuinu 13:18 Σταυροειδείς Αναφορές

Misambu 141:5

Ndi nganyisha muntu wa malu mimpe antute, muntu muakane andengeje; tshiena mua kubenga, ndi munange. Kadi padi bantu babi benza malu mabi, tshiena ndekela bua kukutendelela.

Nsumuinu 12:1

Muntu udi musue kulonga malu, udi unanga badi bamubela. Kadi udi ubenga mibelu udi tshibubabuba.

Nsumuinu 13:13

Muntu udi upetula meji adibu bamuambila neajimine. Kadi muntu udi unemeka mukandu, neapete difutu.

Nsumuinu 13:19

Dijinga didibu bakumbaja didi disankisha muoyi. Ke padi bantu bapote babenga kulekela malu mabi.

Nsumuinu 13:25

Muntu muakane udi udia ukuta. Kadi muntu mubi udi ukenga ne nzala.

Nsumuinu 15:5

Muntu mupote udi upetula mibelu ya tatuende. Kadi udi uyitaba udi uleja mudiye muena meji.

Nsumuinu 19:6

Bantu ba bungi badi balabidila muntu munene. Bonsu badi badia bulunda ne tshipapayi.

Nsumuinu 25:12

Mubelu udi muntu wa meji ukubela, uuteleje; udi ne mushinga mupite wa kakanu ka mpawungi ka ku munu nansha ka mu nshingu.

Nsumuinu 9:9

Tshiudi wambila muena meji, tshidi tshivudija meji ende. Tshiudi ulongesha muntu muakane, tshidi tshidiundisha dimanya diende.

Muambi 7:5

Mbimpe kuteleja muntu wa meji udi ukudiwula pa mutu ka kuteleja muntu mupote udi ukutua makumbu.

Yirmeya 3:25

Tulalayi panshi bua bundu. Bundu butubuikile! Bualu tudi benzele Maweja-Nangila Mvidi Mukulu wetu bibi, ne tuetu ne baledi betu. Biangatshile ku buana buetu too ne mpindiewu, katuena bateleje bivua Maweja-Nangila Mvidi Mukulu wetu mutuambile.

Ebrewu 12:25

Nanku nudimuke! Kanubengi kuteleja udi wakula nenu. Bantu bavua babenga kuteleja muntu uvua ubabela pa buloba mu dina dia Mvidi Mukulu, batata bapete dinyoka. Nanku tuetu nangananga nebatunyoke patudi tubenga udi utuambila diyi didi difume mulu.