Nsumuinu 11:14 - MUKANDA WA MYIDI MUKULU

¹⁴ Tshisamba tshidi tshijimina paditshi katshiyi ne batshiludiki. Bualu lupandu ludi mukana mua bafidi ba ngenyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bikalaku kakuyi bulombodi, bantu badi badishinda hanshi; kadi mu tshisumbu tshinene tshia bafidi ba meji mudi luhandu.

Nsumuinu 11:14 Σταυροειδείς Αναφορές

1 Bakalenga 1:12

Nanku, ndi musue kukupa lungenyi. Wewe muenze tshindi nkuambila, neushale ne muoyi, ne muanebe Shelomu neashale ne muoyi.

2 Kulondolola 22:4

Akaziya uvua wenza malu avua Maweja-Nangila mubenge, anu bu muvuabu benza kudi ndelanganyi ya Akabe. Tatuende wa Akaziya mumane kufua, bantu ba ku ndelanganyi ya Akabe aba, bakavua bafidi ba ngenyi ba Akaziya. Kupeshabu Akaziya meji mabi avua mua kumujimija.

Nsumuinu 15:22

Pikala bantu kabayi bakonkangana lungenyi, mapangadika abu adi tshianana. Malu abu adi mua kukumbana, pikala bantu tshisumbu bafila ngenyi.

Nsumuinu 16:22

Badi balonda meji nebapete muoyi. Batshimbakane badi babanyoka bua bupote buabu.

Nsumuinu 20:18

Bidi bantu bajadika bidi bikumbana padibu bafila meji malenga. Pawikala musue kuluangana mvita, anji kudilongolola bimpe.

Nsumuinu 24:6

Udilongolole bimpe paudi uya kuluangana mvita. Ulonde meji a bungi adibu bakupesha bua wewe kutshimuna mvita.