Nsumuinu 10:3 - MUKANDA WA MYIDI MUKULU

³ Maweja-Nangila kena musue bua muntu udi umulamata afue nzala, kadi kena musue bua muntu mubi apete tshidiye ujinga.

Mukanda wa Nzambi Dihungila Dikulukulu ne Dihungila Dihia-dihia 2003

³ Yehowa kena witabusha bua muntu muakane afue nzala, kadi udi uhidia lukuka lua bantu babi.

Nsumuinu 10:3 Σταυροειδείς Αναφορές

Yobe 15:23

Nyunyi ya mikanku neituzokole, katuedi mpata! Bakadi basue kutubutula.

Yobe 20:28

Dituku didi Mvidi Mukulu ufika munda, bintu bia muntu awu bionsu, nebipueke ne mayi.

Yobe 5:20

Mu tshikondu tshia tshiyole tshia nzala, Mvidi Mukulu neakuepule ku lufu. Mu mvita mikole, neakulame bua kabakushipi!

Misambu 10:14

Kadi wewe kuena mpofu! Udi umona dikenga ne disumpakana dia bapele! Udi amu ukeba kubambuluisha! Muena dikenga mmudilekelela kuudi! Wewe ke udi wambuluisha muana nshiya.

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.

Misambu 33:19

Udi ubasungidila ku lufu, ubalama nansha matuku mene a tshiyole.

Misambu 37:19

Bantu abu kabakufua bundu diba dia dikenga. Mu bikondu bia nzala nebapete bonsu bidibu nabi dijinga.

Misambu 37:25

Katshia bandela ne mundi mukulakaje emu, tshiena muanji kumona Maweja-Nangila ushiya muntu wende mu dikenga, nansha bana bende balombangana tshiakudia mu misesu.

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Nsumuinu 13:25

Muntu muakane udi udia ukuta. Kadi muntu mubi udi ukenga ne nzala.

Nsumuinu 14:32

Malu mabi adi muntu mubi wenza adi amufila ku kabutu. Kadi muntu muakane udi utekemena kudi Mvidi Mukulu, nansha pakadiye pa kufua.

Nsumuinu 28:25

Muena lukuka udi usonsola amu matandu. Kadi udi utekemena kudi Maweja-Nangila neatuute dikasa dimpe.

Nsumuinu 28:9

Pikala muntu kayi uteleja tshidi mikenji yamba, nenku Mvidi Mukulu kakumuteleja padiye umutendelela nansha.

Yeshaya 33:16

Muntu awu neasombe talalaa, bu muntu musokome kulu pa mikuna, bu udi unyemena mu mbuebue mikole. Neapetemu tshiakudia, kakupanga mayi a kunua.

Sefanya 1:18

Dituku didi Maweja-Nangila ufika munda, tshiamu tshitoke tshia mushinga mukole, nansha mpawungi, kabiena mua kubasungidila. Buloba bujima nebubutuke, ku kapia ka tshiji tshiende. Neabutule bantu bonsu ba pa buloba. Eyowa, bionsu ebi nebikuatshishe bantu bowa.

Luke 12:31

Kebayi nangananga Bukalenga bua Mvidi Mukulu. Nanku Yeye neanupeshe bikuabu abi.