Nsumuinu 1:2 - MUKANDA WA MYIDI MUKULU

² Nsumuinu eyi idi ilongesha bantu mua kusomba biakane ne meji mu bantu.

Mukanda wa Nzambi Dihungila Dikulukulu ne Dihungila Dihia-dihia 2003

² Bua bantu bamanye lungenyi ne diyisha, bua bajingulule mei a meji.

Nsumuinu 1:2 Σταυροειδείς Αναφορές

Nsumuinu 15:33

Udi utshina Maweja-Nangila udi upeta meji. Udi udipuekesha ke udi mua kupeta lumu.

Nsumuinu 16:16

Bidi bitambe buimpe kupeta meji ne lungenyi, pa mutu pa kupeta mpawungi ne tshiamu tshitoke tshia mushinga mukole.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Nsumuinu 19:20

Teleja mibelu, wanyisha bua bakulongeshe. Nanku neushale muntu wa lungenyi.

Nsumuinu 2:9

Paudi unteleja, nenjingulule muudi mua kuikala muntu muakane, wa nsongu, muudi mua kuenza bidi bimpe.

Nsumuinu 4:1

Bana banyi, telejayi mudi tatu unulongesha. Nuikale ne ntema bua nupete lungenyi.

Nsumuinu 7:4

Unemeke meji bikole bu muudi unemeka muanenu wa bakaji menemene. Ambila lungenyi ne: wewe udi mulunda wanyi wa pa muoyi.

Nsumuinu 8:33

Telejayi malongesha anyi, nukuate nawu mudimu, nanku nenupete meji.

Nsumuinu 8:5

Nuenu batshidi batshimbakane, longayi munudi mua kupeta meji. Nuenu bapote, ikalayi ne lungenyi.