Ngalate 6:2 - MUKANDA WA MYIDI MUKULU

² Ambuluishanganayi bua kuambuishangana majitu. Ke munudi nutumikila mikenji ya Kristu nanku.

Mukanda wa Nzambi Dihungila Dikulukulu ne Dihungila Dihia-dihia 2003

² Nuambuishangane majitu enu, nunku nutumikile mikenshi ya Kilisto.

Ngalate 6:2 Σταυροειδείς Αναφορές

1 Kulondolola 19:12

Yowabe kuambila muanabu Abishayi ne: — Padi bena Arame bampite bukole, wewe neungambuluishe. Kadi padi bena Amone bakupite bukole, meme nenkuambuluishe.

Ekesode 23:5

Nuenu basangane mpunde wa muena lukuna nenu mudishinde ne bujitu, kanupitshi to. Numujule pamue ne muena lukuna, nuakaje bujitu.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Matayi 8:17

Uvua wenza bionsu ebi bua kukumbaja bivua muambi Yeshaya muambe ne: “Kudiambuilaye butekete buetu; kutumushilaye masama etu.”

Luke 11:46

Yezu kuandamuna ne: — Nuenu kabidi balongeshi ba mikenji, nudi bena diakabi! Nudi nuambuisha bantu majitu manene panyima. Kadi nuenu kanuena malenga nansha munu umue.

Yowanane 13:34

Ndi nnupesha mukenji mupiamupia ne: Nunangangane. Nudi ne bua kunangangana mundi mununange.

Yowanane 15:12

Telejayi mudi mukenji wanyi: nunangangane mundi munanga.

Rome 15:1

Tuetu badi bakole mu ditaba, tudi ne bua kuambuluisha badi batekete mu ditaba diabu. Katuena panu bua kukeba amu bidi bitusankisha tuetu.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

1 Korente 9:21

Momumue kabidi, pandi muaba udi bantu kabayi bamanye mikenji ya Moshe, ndi nsomba mudibu basomba bobu, tshiyi ndama mikenji, bua kufikisha bantu aba kudi Kristu. Kadi tshiena musue kuamba ne: ndi mbenga mikenji ya Mvidi Mukulu to. Mikenji indi ndama meme nya Kristu.

Ngalate 6:5

Bualu muntu yonsu udi ne bua kudiambuila bujitu buende kumpala kua Mvidi Mukulu.

Dielulula 1:12

Kadi numanye bimpe ne: meme nkayanyi tshiena mua kuambula bujitu bua kunulumbuluisha mu bilumbu bienu, ne mu matandu adi munkatshi muenu to.

1 Tesalonike 5:14

Bana hetu, tudi tunusengelela ne: belayi bena lulengu. Kankamikayi bena buowa, ambuluishayi badi kabayi ne dikanda, ikalayi ne lutuulu kudi bantu bonsu.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

Yakobe 2:12

Akulayi, enzayi malu, bu bantu badibu ne bua kulumbuluisha kudi mikenji idi itupikula ku bupika.

Yakobe 2:8

Bushuwa, nudi nuenza bimpe, panudi nutumikila mikenji ya Bukalenga, mudi Mukanda wa tshijila uyilongesha ne: “Unange muntu nebe, bu muudi mudinange.”

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

2 Petro 2:21

Bivua bimpe bipite bua kabamanyi njila mululame, pa mutu pa kumumanya, kadi kushisha kubenga mikenji ya tshijila ivuabu babamanyishe.

2 Petro 3:2

Ndi musue bua nuvuluke miaku ivua bambi ba tshijila banulongeshe kale, kabidi ne mikenji ya kudi Mfumu ne Musungidi, ivua bapostolu benu banumanyishe.

1 Yone 4:21

Mukenji uvua Kristu mutuambile udi nenku: muntu udi unanga Mvidi Mukulu, udi ne bua kunanga kabidi muanabu.