Misambu 7:16 - MUKANDA WA MYIDI MUKULU

¹⁶ Udi umbuila bakuabu tshiina tshile, neadishinde mu tshiina tshiende atshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bualu buandi bubi nebuhingane ha mutu handi mene, ne tshimbambila tshiandi netshihingane ha lubuyangala lua mutu wandi mene.

Misambu 7:16 Σταυροειδείς Αναφορές

Estere 9:25

Kadi Estere kuya kumanyisha mukalenga bualu abu. Ke mukalenga kutuma diyi, kufunda mukanda bua bakengeshe Amane mushindu uvuaye musue kukengesha bena Yuda. Ke bantu kumowa ne bana bende ba balume.

1 Bakalenga 2:32

Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

Misambu 36:12

Dikasa dia muena ditambisha kadinzaaji. Tshianza tshia bantu babi katshimpatudi mu nzubu.

1 Samuele 28:19

Maweja-Nangila neakufile ne bantu bebe bonsu mu bianza bia bena Peleshete. Malaba, wewe ne bana bebe netuikale nenu mu kandondu ka bafue emu. Bena mvita bebe bonsu nebikale mu bianza bia bena Peleshete.

1 Samuele 26:10

Bu mudi Maweja-Nangila ne muoyi, ndi nkujadikila ne: Maweja-Nangila nkayende neajikije bualu buende. Shawule udi mua kufua bu mudi bantu bonsu bafue anyi udi mua kufua mu mvita.

1 Samuele 23:9

Davide kumvua lumu ne: Shawule mmumuelele tshifufu tshibi. Nanku, kutumaye diyi bua mutuangaji Abiyatare afike ne bintu bia tshijila bua kukonkabu Mvidi Mukulu bualu abu.

Misambu 36:4

Bionsu bidiye wamba bidi amu bia dishima ne bia didinga. Mmupange meji, mmupange muoyi muimpe.

1 Bakalenga 21:19

Uye, umuambile ne: Maweja-Nangila udi wamba ne: “Udi mushipe muntu. Mpindiewu udi mufike bua kuangata bintu biende!” Maweja-Nangila udi wamba kabidi ne: “Muaba udi mbua milake mashi a Nabote, neyilakilepu ne mashi ebe kabidi.”

Estere 7:10

Bantu kuowela Amane ku tshiowelu tshivuaye mulongoluele Mordekayi. Nenku, tshiji tshia mukalenga kutuya.

Yobe 4:8

Meme nkadi mumone ne: Padi muntu ukuna bubi, nansha umiamina makenga, udi unowa amu bubi ne makenga.

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

Misambu 35:8

Kabutu kabakuate kabayi bamanye. Bukondu buabu bubakuate. Badishinde mu tshiina tshivuabu bumbule!

Misambu 57:7

Bavua banteya bukondu mu njila, bakeba kungela disoka mu nshingu. Bavua bangumbuile dijimba, kadi amu bobu ke badi badishindamu.

Misambu 141:10

Bantu ba tshikisu aba bapone mu buteyi buabu, meme mpande!

Nsumuinu 1:19

Ke mudi bantu bivi badienzela bibi bobu nkayabu: muivi nebamunyenge muoyi wende.

Nsumuinu 26:27

Udi umbuila mukuende dijimba neakulukemu. Dibue diudi ubunguluja nedikubungulukile pambidi.

Muambi 10:8

Muntu udi mumbule dijimba udi mua kuponamu, udi ubumbula tshimana badi mua kumusuma kudi nyoka.