Misambu 22:30 - MUKANDA WA MYIDI MUKULU

³⁰ Banene ba pa buloba nebamukukuile! — Bonsu bavuavua kufua, badi bamutuila binu!

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Tunkanunuina tua bantu netumukuatshile mudimu. Bantu nebambile bena mulongo udi ubalonda ku nyima bualu bua Mukelenge.

Misambu 22:30 Σταυροειδείς Αναφορές

Ebrewu 2:13

Udi wamba kabidi ne: “Nentekemene kudi Mvidi Mukulu.” Kabidi ne: “Ke meme ewu ne bana bavua Mvidi Mukulu mumpeshe.”

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Matayi 3:9

Kadi lekelayi kuela meji ne: “Tudi mua kupanduka ku dinyoka, bualu Abrahame nnkambua wetu.” Bualu ndi nnujadikila ne: mabue aa, Mvidi Mukulu udi mua kuandamuna ndelanganyi ya Abrahame!

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Misambu 102:28

Kadi wewe kuena ushintuluka, matuku ebe a muoyi kaena ne nshikidilu wawu.

Misambu 87:6

Maweja-Nangila udi mufunde mena a bantu mu mukanda wa mena, udi mumanyishe muntu yonsu wa kudibu ne: “Siyone ke tshimenga tshiende tshilelela.”

Misambu 73:15

Kadi meme muele meji a kuakula bu bantu babi abu, mvua mua kuyila tshisamba tshia bana bebe.

Misambu 24:6

Ke bantu badi bakeba Maweja-Nangila, basemena kudi Mvidi Mukulu wa Yakobe.

Misambu 14:5

Kadi diakamue nebakuatshike bowa, bualu Maweja-Nangila neafike bua kuambuluisha bende.