Misambu 22:23 - MUKANDA WA MYIDI MUKULU

²³ Nanku nemmanyishe bana betu biuvua muenze! Nenkutumbishe, bantu bateleja:

Mukanda wa Nzambi Dihungila Dikulukulu ne Dihungila Dihia-dihia 2003

²³ Nuenu badi batshina Yehowa, numutumbishe! Nuenu, bana bonso ba Yakoba, numutumbishe; nuenu, bana bonso ba Isalele, nukuatshike buowa ku mpala kuandi!

Misambu 22:23 Σταυροειδείς Αναφορές

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Luke 1:50

Ku ndelanganyi ne ndelanganyi muoyi wende mulenga udi kudi bonsu badi bamunemeka.

Misambu 115:11

— Nuenu bantu bende bapiabapia, tekemenayi kudi Maweja-Nangila. — Yeye ke udi unuambuluisha, unulama bu ngabu.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

1 Korente 10:31

Ke mundi ngamba ne: nansha nudia, nansha nunua, nansha nuenza bualu bukuabu, nuenze bionsu bua kutumbisha Mvidi Mukulu.

Luke 2:20

Ke balami ba mikoku kupingana kuabu. Bavua batendelela Mvidi Mukulu, bamutumbisha bua bionsu bivuabu bumvua ne bamona. Bualu bionsu bitua bienzeka amu muvua mutumibue mubamanyishe.

Yeshaya 25:3

Nanku bantu ba bukitu, nebakutumbishe. Bantu ba mu bimenga bivua bikengesha bantu ne tshikisu, nebakunemeke.

Misambu 145:19

Udi witaba malomba a badi bamulamate, ubasungidila padiye umvua bamubila.

Misambu 115:13

— Ele bantu bonsu, baneme ne bapele badi batendelela Mvidi Mukulu lupemba!

Misambu 106:5

Nanku netumone diakalenga dia bantu baudi musungule, netumvue disanka didi nadi bantu bebe, netutue ntunku pamue ne bantu ba mu bumpianyi buebe.

Misambu 86:12

Maweja-Nangila, Mvidi Mukulu wanyi, nenkutumbishe ne muoyi wanyi onsu, nenkunemeke matuku onsu.

Misambu 33:8

Buloba bujima butshine Maweja-Nangila! Bantu bonsu bazakale kumpala kuende!

Misambu 22:30

Banene ba pa buloba nebamukukuile! — Bonsu bavuavua kufua, badi bamutuila binu!

Misambu 26:12

Ndi ngimana pa muaba mukole, muaba udi bantu basangile nengele Maweja-Nangila tuasakidila.

Misambu 35:18

Nanku nenkuele tuasakidila muaba udi bantu bebe basangile. Nenkutumbishe, bonsu bateleje.

Misambu 109:30

Nensakidile Maweja-Nangila ne diyi dikole, nemmutumbishe munkatshi mua tshisumbu tshia bantu.

Misambu 111:1

Aleluya, Maweja-Nangila ikale ne muoyi! Nensakidile Maweja-Nangila ne muoyi wanji mujima, munkatshi mua bantu bakane badi basangile.