Mika 2:6 - MUKANDA WA MYIDI MUKULU

⁶ Bamue badi bangamba ne: “Lekela kuakula nanku! Udi ukolesha malu! Bilumbu biudi utuasa mbia patupu!

Mukanda wa Nzambi Dihungila Dikulukulu ne Dihungila Dihia-dihia 2003

⁶ Badi bambila baprofete ne, Lekelai tshiakulakula tshienu; lekelai kuakula malu â; bihendu kabiena bishika.

Mika 2:6 Σταυροειδείς Αναφορές

Misambu 74:9

Kakutshiena bidi bileja ne: wewe udi munkatshi muetu. Bambi kabatshiena bamanyisha malu. Kakuena wa kutudi udi mumanye ne: ebi nebijike diba kaayi.

Yeshaya 29:10

Bualu Maweja-Nangila neanuladike tulu tukole. Uvua munusuike tshilamba pa mesu. — Mesu enu ke bambi benu. — Mmunubuikile tshilamba mu mitu yenu. — Mitu yenu ke badi bamona malu. —

Yeshaya 30:10

Badi bambila bambi ne: “Kanututatshishi ne malu adibu banuleja!” Kabena basue bua bambi babambile malu a bulelela. Badi bajinga bua babambile amu malu adi abasankisha. Badi basue bua babalaye amu diakalenga, nansha diodi dia dishima.

Yezekiyele 21:2

— Muntu, tangila luseke lua kuinshi mu ditunga. Utandishe mu dina dianyi bantu badi basombe mu ditu didi kuinshi mu ditunga.

Yezekiyele 3:26

Nendamakaje ludimi luebe mu tshilakalaka, ushale kamama, upange bukole bua kubela bantu bena tshitunu aba.

Amosa 2:12

Kadi bantu banyi ba tshijila, nuenu kubanuisha maluvu. Nuenu kukandika bambi bua kabambidi bantu malu mu dina dianyi.

Amosa 7:13

Kadi kumueneki kabidi muetu munu mu Betele, bualu ke muaba udi mukalenga wa ditunga utendelela, ke nzubu wa tshijila wa bukalenga.

Amosa 7:16

Kadi wewe, Amashiya, udi musue kunkandika mudimu wa muambi undi ngenzela bena Izrayele. Udi musue bua ndekele biakulakula, muudi ubiamba, bindi mbela nabi ndelanganyi ya Izake. Nanku, teleja bidi Maweja-Nangila ukuambila ne:

Mika 3:6

Nenku, nuenu bambi, tshiakunuleja kabidi malu adi kumpala, tshiakunumanyisha kabidi tshindi musue. Miidima neyinunyunguluke. Butuku nebunuvuile. Kanuakumona kabidi tshintu, bu dituku didi diba dimane kubuela.”

Mika 6:16

Nenuidikije malu mabi onsu, avua mukalenga Omri wenza ne bena diku dia Akabe, muanende wa balume. Nudi nulonda bilele biabu! Ke pandi mbutula tshimenga tshienu. Nuenu badi basombamu, bantu nebanuseke. Bundu budi bukuata bantu banyi bonsu, nebunukuate kabidi.”

Bienzedi 4:17

Kadi bua lumu luatshi kalupitshi kutampakana mu bantu, tu-bakanyine bikole, bua kabalongeshi kabidi muntu nansha umue mu dina dia Yezu.

Bienzedi 5:28

wamba ne: — Tuvua banukandike bikole, bua kanulongeshi bantu mu dina dia muntu awu. Kadi tshinudi benze mpindiewu ntshinyi? Nukadi batampakaje dilongesha diende mu Yerushalayime mujima. Nenku nudi basue kumbueja mu tshilumbu tshia lufu lua muntu ewu!

Bienzedi 5:40

Ke kubikilabu bapostolu, kubatuutshishabu nkodi, kubakandika bua kabatedi kabidi dina dia Yezu. Nanku kubalekelabu.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!