Luke 9:12 - MUKANDA WA MYIDI MUKULU

¹² Pakavua diba dibuela, balongi dikumi ne babidi kuya kudi Yezu, bamuambila ne: — Tangalaja bantu aba, baye mu misoku, nansha mu miaba mikuabu ya pabuipi, bakebe biakudia, ne muaba wa kulala, bualu tudi mu mpata.

Mukanda wa Nzambi Dihungila Dikulukulu ne Dihungila Dihia-dihia 2003

¹² Diba diakamba kubuela, bayidi bandi dikumi ne babidi bakalua, bakamuambila ne, Umuangalashe bantu, baye mu misoko ne mu luseke elu bua kulala ne bua kuangata bia kudia: bualu bua kunoko tudi mu tshihela.

Luke 9:12 Σταυροειδείς Αναφορές

Yezekiyele 34:25

“Nemfile bupole munkatshi mua mikoku yanyi. Nengipate nyama yonsu ya lonji idi mu ditunga. Nanku mikoku yanyi neyisombe talala mu mpata, ilala nansha muitu.

Osheya 13:5

Meme ke uvua munulame, panuvua mu tshipela, mu ditunga divua ne munanga.

Matayi 14:13

Pavua Yezu mumvue bualu ebu, kumukaye kaba aka mu buatu. Kuyaye kupengama pa nkayende. Kadi bantu bavule kumanya ne: Yezu mmumuke. Nanku kumukabu mu bimenga, bayila ku muelelu wa mayi, benda balonda Yezu.

Matayi 15:23

Kadi Yezu nansha kumuandamuna. Balongi bende kusemena kudiye, bamulomba ne: — Mumushe! Bualu udi wenda utulonda, wela amu mbila!

Matayi 15:32

Yezu kubikila balongi bende, kubambila ne: — Ndi ngumvua luse bua bantu bonsu aba. Tudi nabu kukadi matuku asatu. Kabatshiena ne tshiakudia nansha tshikese to. Tshiena mua kubatangalaja, kabayi badia. Badi mua kupungila mu njila.

Luke 9:11

Kadi bantu kumanya bualu, kulonda Yezu. Ke Yezu kubakidila, kubalongesha malu a Bukalenga bua Mvidi Mukulu, kujikija masama a bavua nawu.

Luke 9:13

Kadi Yezu kubandamuna ne: — Nuenu mene nubapeshe biakudia. Balongi kumuandamuna ne: — Tudi amu ne mampa atanu ne mishipa ibidi. Kadi udi musue tuye kusumbila bantu bonsu aba biakudia anyi?

Yowanane 6:1

Pashishe, Yezu kuya dishiya dia dijiba dia Ngalileya (didibu binyika kabidi ne: dia Tiberiyade).

Filipe 1:19

bualu ndi mumanye ne: ku ditendelela dienu, ne ku diambuluisha dia Mueyelu wa Yezu Kristu, bionsu abi nebimpeteshe lupandu.