Luke 7:37 - MUKANDA WA MYIDI MUKULU

³⁷ Mu tshimenga atshi muvua mukaji muena malu mabi. Pavuaye mumvue ne: Yezu udi udia kua Muparushe, kuangataye mulangi wa albatre, muwule ne manananshi.

Mukanda wa Nzambi Dihungila Dikulukulu ne Dihungila Dihia-dihia 2003

³⁷ Mu musoko muakadi mukashi mubi; hakamanyeye ne, Yesu udi ushikama ku mesa mu nsubu wa Mufalese, wakalua ne mulondo wa alabasta, mu mulondo muakadi mananashi;

Luke 7:37 Σταυροειδείς Αναφορές

Matayi 21:31

Ku bana babidi aba, udi muenze tshivua tatuende musue nnganyi? Kumuandamunabu ne: — Anu muana wa kumpala. Nanku Yezu kubambila ne: — Ndi nnujadikila bulelela ne: balambuishi ba bitadi, ne bakaji bena buendenda, nebanudianjidile mu Bukalenga bua Mvidi Mukulu.

Luke 18:13

Mulambuishi wa bitadi uvua muimane yeye pa bule, kayi nansha ukimina kutangila mu diulu. Kadi uvua udituuta pa tshiadi, wamba ne: “Eyi, Mvidi Mukulu wanyi, ungumvuileku luse. Meme ndi muenji wa malu mabi.”

Luke 19:7

Bantu bonsu bavua bamone nanku, kufikabu munda, bamba ne: — Muntu ewu mmuye kutula kua muenji wa malu mabi.

Luke 5:30

Baparushe ne balongeshi ba mikenji ba mu tshisumbu tshiabu kubinduluka, bakonka balongi ba Yezu ne: — Nuenu nudi nudia, nunua ne balambuishi, kabidi ne bantu bakuabu ba lumu lubi, bua tshinyi?

Luke 5:32

Tshiena muvue kubikila bantu ba nsongu, kadi anu bantu babi, bua balengeje nsombelu yabu.

Luke 7:34

Muana wa muntu kufika pende, udia, unua. Nuenu kuamba ne: “Ewu muntu mmusombele amu kudia ne kunua nwinyo. mMulunda wa balambuishi ba bitadi ne bena buenzayi bakuabu!”

Luke 7:36

Muparushe mukuabu uvua mubikile Yezu bua kudiaye kuende. Yezu ufika kua muntu awu, kusombaye ku mesa.

Yowanane 11:2

(Mariya ewu ke mukaji uvua muele Mfumu manananshi ku makasa, muakupule ne nsuki yende. Nunku muanabu Lazare ke uvua usama).

Yowanane 9:24

Baparushe kubikila muntu uvua mpofu awu tshiakabidi, kumuamba ne: — Uditshipe kumpala kua Mvidi Mukulu bua kuamba malu malelela. Tuetu tudi bamanye ne: muntu ewu udi muenji wa malu mabi.

Yowanane 9:31

Tudi bamanye ne: Mvidi Mukulu kena uteleja benji ba malu mabi. Kadi udi uteleja muntu udi umunemeka, ukumbaja bidiye musue.

Rome 5:8

Kadi Kristu wakatufuila tuetu batshikale benji ba malu mabi. Ke muvua Mvidi Mukulu mutuleje mudiye utunanga bikole.

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

1 Timote 1:9

Tuvuluke ne: kabavua belela bantu ba malu mimpe mikenji to, kadi anu benzavi, bantomboji, bena lonji, bantu babi, bantu badi kabayi batshina Mvidi Mukulu, nansha tshintu tshia tshijila. mBayelele kabidi bantu badi bashipa tatuabu nansha mamu, bashipianganyi bakuabu,

1 Petro 4:18

Bualu mbafunde mu Mukanda wa tshijila ne: “Pikalabi bikole bua muntu wa Mvidi Mukulu kupandaye, kadi bena buenzavi ne benji ba malu mabi nebapande bishi?”