Luke 7:2 - MUKANDA WA MYIDI MUKULU

² Muaba awu muvua mfumu wa basolayi ba bena Rome, muikale ne muena mudimu wende uvuaye munange bikole. Muena mudimu awu uvua usama bikole, wamba kufua.

Mukanda wa Nzambi Dihungila Dikulukulu ne Dihungila Dihia-dihia 2003

² Muntu wa kapitene kakuabo ka masalayi lukama wakadi munanga kudi nfumu wandi, lufu luakadi lumutonde.

Luke 7:2 Σταυροειδείς Αναφορές

Genese 24:27

wamba ne: — Ndi ngela Maweja-Nangila, Mvidi Mukulu wa mfumuanyi Abrahame, tuasakidila, bualu wakumbaji bionsu bivuaye mulaye mfumuanyi Abrahame. Maweja-Nangila mmungendeshe diakalenga mu njila mujima, mumfikishe anu mu diku dia mfumu wanyi Abrahame.

Genese 35:8

Anu dituku adi Debora, ndeji wa Rebeka, kufua. Kumujikabu muinshi mua mutshi wa lusanga udi pabuipi ne Betele. Batshidi babikila lusanga alu ne: “Lusanga lua muadi.”

Yobe 31:5

Ndi muena dishima anyi? Ndi mudinge bantu anyi?

Nsumuinu 29:21

Mupika uudi wengeleka biangatshile ku buana, ku ndekelu neakebe kupiana bintu biebe bionsu.

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Luke 23:47

Mfumu wa basolayi ba bena Rome umona bivua bienzeka, kutumbishaye Mvidi Mukulu, wamba ne: — Bushuwa, muntu ewu kavua ne bualu to.

Luke 7:1

Yezu mumane kuambila bantu malu onsu aa, kuyaye ku Kefamawume.

Luke 7:3

Mfumu wa basolayi umvua lumu lua Yezu, kutumaye bakulu ba bena Yuda kudi Yezu, bua bamulombe ne: ufike bua kujikija disama dia muena mudimu wanyi.

Luke 8:42

Bualu muanende wa bakaji umue epele wa mvula dikumi ne ibidi uvua upunga ne lufu. Pavua Yezu uya ku nzubu aku, bantu bavule bavua bamufimpakaja nseke yonsu.

Bienzedi 10:1

Mu Kezareya muvua muntu, dina diende Korneliyuse. Uvua mulombodi wa tshisumbu tshia basolayi ba bena Rome, tshivuabu binyika ne: “Ntshia bena Italiya.”

Bienzedi 10:7

Mutumibue mumane kumuka, ke Korneliyuse kubikila bena mudimu bende babidi, ne musolayi umue wa ku bavua bamulama, uvua pende muntu wa Mvidi Mukulu.

Bienzedi 22:26

Ke tshindonda atshi kuya kuebeja mulombodi wa basolayi ne: — Udi mumvue tshiudi wenza anyi? Muntu ewu mmuena Rome!

Bienzedi 23:17

Nenku Polu kubikila tshindonda tshia mulombodi wa basolayi, umuambila ne: — Nuye ne nsongalume ewu kudi mulombodi. Udi ne bualu bunene bua kumuambila.

Bienzedi 27:1

Dituku dituvua ne bua kubuela mu majuwa bua kuya ku Italiya, kufilabu Polu, ne bamue bena lukanu bakuabu, kudi Yuliyuse, mulombodi wa tshisumbu tshia basolayi ba bena Rome, tshiyuabu binyika ne: “Ntshia Kezare,” bua tshibalame bimpe mu njila.

Bienzedi 27:3

Butshia, tuetu kufika mu Sidone. Yuliyuse uvua unemeka Polu, wanyisha kabidi bua aye kumonangana ne balunda bende, bua bamupeshe bivuaye ukengela.

Bienzedi 27:43

Kadi bu muvua mulombodi wabu musue kupandisha Polu, kuambilaye basolayi bende ne: “Kanuenji nanku to!” Kutumaye kabidi diyi, bua bavua bamanye kuowela, badianjile kudiela mu mayi, baye ku mukuna.

Kolose 3:22

Nuenu bapika, tumikilayi bionsu bidi bamfumu benu ba panu bamba, ki ngamu bua kubasankisha padibu banumona. Kadi tumikilayi ne muoyi mulelela, bualu nudi nunemeka Mfumu.