Luke 6:19 - MUKANDA WA MYIDI MUKULU

¹⁹ Bantu bonsu bavua bakeba kumulenga, bualu bukole buvua bufuma kudiye, bubapandisha bonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bantu bonso bakasua kumulenga bianza, bualu bua bukole buakadi bufuma munda muandi, bakashikisha masama a buonso buabo.

Luke 6:19 Σταυροειδείς Αναφορές

2 Bakalenga 13:21

Dituku dikuabu, bantu bavua baya kujiika tshitalu. Diakamue, kumonabu bivi abu. Kuimanshabu tshitalu tshivuabu natshi mu lukita lua Elisha, kunyemabu. Anu tshitalu atshi tshilengangane ne mifuba ya muambi Elisha, muntu mufue kufululuka, kuimana kulu.

Matayi 14:36

Bavua bamusengelela bua bantu bamulenge nansha ku luzemba lua tshinkutu tshiende. Bonsu bavua balulenga, bavua bumvua bimpe.

Marke 3:10

Bu muvuaye ujikija masama a bantu ba bungi, bonsu bavua basama bavua bafuilakana bua kumulenga.

Marke 5:30

Diakamue Yezu kumvuaye ne: bukole buvua bumupatuke. Ke kutangilaye munkatshi mua bantu, ubakonka ne: — Udi mulenge bilamba bianyi nnganyi?

Marke 6:56

Miaba yonsu ivua Yezu uya, mu misoku, mu bimenga nansha ku ntshiamba, bantu bavua baya ne babedi babu mu miaba ya bisalu, bamusengelela bua kulengabu nansha luzemba lua tshinkutu tshiende. Bavua bamulenga bonsu masama abu avua ajika.

Marke 8:22

Bobu kufika mu Betsayida. Bantu kumutuadila mpofu, basengelela Yezu bua kumulengaye.

Luke 5:17

Dituku dikuabu Yezu uvua ulongesha. Baparushe ne balongeshi ba mikenji bavua basomba pavuaye. Bavua bafume ku misoku yonsu ya mu Ngalileya, ya mu Yudeya, ne ku tshimenga tshia Yerushalayime. Yezu uvua ne bukole bua kudi Maweja-Nangila, buvuaye ujikija nabu masama a bantu.

Luke 6:18

Bavua bafika bua kumvua dilongesha dia Yezu, ne bua ajikije masama abu. Bavua ne mikishi mibi ibakengesha, bavua bapanda.

Bienzedi 19:12

Bavua bateka pambidi pa babeedi bilamba, nansha tulamba, bivua bilenga mubidi wa Polu. Babeedi kumvua amu bilenga, mikishi mibi kumuka kudibu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.