Luke 4:36 - MUKANDA WA MYIDI MUKULU

³⁶ Bantu bonsu bavua bakema, bakonkangana ne: — Edi ndiyi dia mushindu kaayi? Muntu ewu udi utumina mikishi mibi diyi dia bumfumu ne dia bukole, yoyi payi ipatuka!

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Buowa buakabakuata bonso, bakakonkangana ne, Edi ndî kai? Yeye udi ne bukokeshi ne bukole bua kuela nyuma ya bukoya dî, yumuke munda mua bantu.

Luke 4:36 Σταυροειδείς Αναφορές

Matayi 9:33

Anu Yezu wipata mukishi mubi awu, kamama kutuadija kuakula. Bantu bonsu kukema bikole, bamba ne: — Katshia katuena banji kumona bualu bua mushindu ewu mu Izrayele!

Marke 1:27

Bantu bonsu kukema bikole, bebejangana ne: — Edi ndiyi dia mushindu kaayi? Ndilongesha dipiadipia didi ne diyi dia bumfumu. Muntu ewu udi utumina mikishi mibi diyi, imuitaba!

Marke 7:37

Bantu bonsu bavua bakema bikole bamba ne: — Malu onsu adiye muenze adi amu mimpe: bena mapapa badi bumvua, tumama kabidi tudi tuakula!

Luke 2:18

Bonsu bavua bumvua bivua balami balonda bavua bakema.

Luke 4:32

Bantu bavua bakema bua dilongesha diende, bualu uvua wakula ne bumfumu.

1 Petro 3:22

mubande mu diulu, musombe ku diboku dia bukole dia Mvidi Mukulu Tatu. Ke muaba udi batumibue, mamfumu makuabu, ne makole a mu diulu bitabe bumfumu buende.