Luke 20:21 - MUKANDA WA MYIDI MUKULU

²¹ Nanku kukonkabu Yezu ne: — Mulongeshi, tudi bamanye ne: biudi wamba ne biudi ulongesha bidi amu pa biobi. Kuena utangila muanzu wa muntu. Kadi udi ulongesha anu patoke tshidi Mvidi Mukulu musue ne: bantu benze.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bakamukonka ne, Muyishi, tudi bamanye ne malu audi wamba ne audi uyisha adi mimpe, kuena ne muntu bualu, wewe udi uyisha bantu nshila wa Nzambi bulelela.

Luke 20:21 Σταυροειδείς Αναφορές

2 Kulondolola 19:7

Nunemeke Maweja-Nangila. Nudimuke bua binudi nuenza. Bualu Maweja-Nangila Mvidi Mukulu wenu, kena musue buenzayi, kansungansunga, nansha bintu bia mabuejila.

Yobe 34:19

Amu Mvidi Mukulu kena ne kansungasunga, kena utshina bamfumu, kena unemeka mubanji kumpala kua mupele. Bualu uvua mubafuke bonsu udi amu yeye mene.

Misambu 12:2

Maweja-Nangila, utuambuluishe! Tshianana, bantu bebe badi mua kujimina. Kamutshiena kabidi bantu ba nsongu.

Misambu 55:21

Mulunda mubi udi uluisha balunda bende, upula ndondu uvuaye mutue nabu.

Matayi 22:16

Kutumabu balongi babu bakuabu, ne bamue ba bena Erode, bua kuambila Yezu ne: — Mulongeshi, tudi bamanye ne: wewe udi wamba malu malelela. Udi ulongesha amu patoke tshidi Mvidi Mukulu musue bua muntu enze. Kuena utshina bidi bantu bela meji, bualu kuena ukakala muntu. Kuena utshina buneme bua muntu.

Marke 12:14

Kufikabu, bamuambila ne: — Mulongeshi, tudi bamanye ne: udi wamba bulelela. Kuena utshina bidi bantu bela meji. Bualu kuena utangila bua mpala wa muntu, kadi udi ulongesha bulelela mudi Mvidi Mukulu musue bua muntu enza. Tuambilaku: mikenji yetu mmianyishe bua kufuta mukalenga wa bakalenga wa bena Rome tshitadi anyi? Tudi mua kumufuta anyi katuena mua kumufuta?

Luke 20:20

Nanku kutuadijabu kutentekela Yezu. Ke kumutuminabu bantu bamueneka bu bantu ba muoyi muimpe. Kadi bantu aba bavua bakeba kuteya Yezu ku dimukonka bualu, bua bamone mua kumufila mu bianza ne ku bumfumu bua mulombodi wa buloba abu.

Luke 20:22

Ke patudi tukukonka ne: bilondeshile mikenji yetu, tudi mua kuhita tshitadi kudi mukalenga wa bakalenga wa bena Rome anyi katutshifutshidi?

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

2 Korente 2:17

Tuetu katuena bu bantu bakuabu ba bungi badi batangila muaku wa Mvidi Mukulu bu bintu bia kuenda nabi mushinga. Kadi tuetu tudi tunumanyisha muaku wa Mvidi Mukulu, katuyi tukeba kudisankisha muinshi muinshi. Mvidi Mukulu mmututume. Ke patudi tuvuluka mudiye uditangila, tukuata mudimu badisange ne Kristu.

Ngalate 1:10

Nudi nuela meji ne: ndi nkeba bua bantu banganyishe anyi? Nansha! Ndi musue amu bua Mvidi Mukulu anganyishe! Ndi nkeba kusankisha bantu anyi? Bu meme nkeba kusankisha bantu, tshi vua mua kuikala muena mudimu wa Kristu to.

Ngalate 2:6

Kadi bantu bavua balombodi ba Tshisumbu kabavua bangambile malu makuabu a meme kuenza. — Tshivua bualu ne bulombodi buabu to. Mu bualu ebu Mvidi Mukulu mmutuangate bonsu ne mushinga. —