Luke 2:4 - MUKANDA WA MYIDI MUKULU

⁴ Yozefe kumuka mu Ngalileya mu tshimenga tshia Nazarete, kuya mu buloba bua Yudeya mu tshimenga tshidibu binyika Betleyeme, muvuabu balelele mukalenga Davide. Bualu Yozefe uvua wa ku ndelanganyi ya Davide.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yosefe, kabidi, wakumuka mu Galela, mu musoko wa Nazaleta, wakabanda mu Yudaya, ku musoko wa Bayidi, udibo babikila ne, Beteleheme, bualu bua yeye wakadi wa mu nsubu wa Davidi ne wa tshiota tshiandi;

Luke 2:4 Σταυροειδείς Αναφορές

Genese 35:19

Rakele ufua, kumujikabu ku muelelu wa njila udi muye ku Efrata, muaba udibu binyika mpindiewu ne: Betleyeme.

Genese 48:7

Bualu pamvua ngumukila ku Mezopotamiya, mamuebe Rakele kufuila mu njila, muaba umvua mu ditunga dia Kenaane, tshiyi muanji kufika mu musoku wa Efrata. Meme kumujika muine amu ku mpenga kua njila (Efrata ke musoku udibu babikila mpindiewu ne: Betleyeme).

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Matayi 1:20

Kadi patshivuaye wela meji awu, mutumibue wa Maweja-Nangila kumumuenekela mu tshiota, umuambila ne: — Yozefe, muana wa Davide, kutshinyi kuangata mukajebe Mariya, bualu difu didiye nadi ndia ku bukole bua Mueyelu wa Tshijila.

Matayi 2:23

Kusombaye mu tshimenga tshiyuabu binyika ne: Nazarete. Bionsu ebi bivua bienzeka bua kukumbaja diyi divua bambi bamba ne: “Nebamuinyike ne: mmuena Nazarete.”

Luke 2:3

Bantu bonsu bavua baya kudifundisha, muntu yonsu kuabu.

Luke 2:5

Uvua uya kudifundishamu pamue ne mubangila wende Mariya uvua kulu.

Luke 4:16

Yezu kuya kabidi mu Nazarete, muvuabu bamukoleshe. Dituku dia dikisha kubuelaye mu nzubu wa ditendelela wa bena Yuda, bu muvua tshibidilu tshiende. Kujukaye kulu bua kubala Mikanda ya tshijila.

Yowanane 1:46

Natanayele kuambila Filipe ne: — Mu Nazarete mudi mua kupatuka bualu bua nsongu anyi? Filipe kumuandamuna ne: — Luaku, neumone.

Yowanane 7:42

Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.

Rute 1:19

Bubidi buabu pamue kupingana ku Betleyeme. Pafikibu mu musoku wabu, bakaji bonsu kukukila, babakatshila, bamba ne: “Bushiwa ewu nNowemi anyi?”

Rute 2:4

Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.

Rute 4:11

Bantu bonsu bavuaye mubikile muaba awu, ne bakulu, kuambabu ne: — Eyowa, tuajadiki. Maweja-Nangila ele mukaji awu lupemba, bu muvuaye muluele Rakele ne Leya. Bubidi buabu bawa batantshisha tshisamba tshia bena Izrayele. Wewe pebe, usanguke mu Efrata, dina diebe ditumbe mu Betleyeme.

Rute 4:17

Bakaji bena mutumba kutendakena muana, bamba ne: “Baleledi Nowemi muana!” Kumuinyikabu dina ne: Obede. Yeye ke tatuende wa Ishayi. Ishayi ntatuende wa Davide.

1 Samuele 16:1

Maweja-Nangila kuambila Samuwele ne: — Neushale anu ne tshiji musangu mule bua Shawule, pandi meme mumane kumubenga, bua kashadi mukalenga wa bena Izrayele anyi? Angata mafuta, uye nawu. Ndi nkutuma kua Ishayi ku Betleyeme. Bualu ndi musungule mukalenga undi musue, munkatshi mua bana bende ba balume.

1 Samuele 17:12

Davide uvua muana wa Ishayi wa mu diku dia Efrata, musombele mu tshimenga tshia Betleyeme mu Yuda. Ishayi uvua ne bana ba balume muanda mukulu. Tshikondu atshi tshivua Shawule mukalenga, Ishayi uvua mumane kukola mukulakaje.

1 Samuele 17:58

Shawule kumukonka ne: — Muananyi, wewe udi muana wa nganyi? Davide kuandamuna ne: — Ndi muana wa muntu webe Ishayi, wa mu Betleyeme.

1 Samuele 20:6

Padi tatuebe umona ne: meme tshienapu to, neumuambile ne: Davide mmundombe dianyisha bua kuya lukasa ku Betleyeme mu tshimenga tshiabu tshimulela, bua kudisangisha ne bena diku diabu bonsu, ku mulambu wa ku tshidimu tshionsu.