Luke 16:19 - MUKANDA WA MYIDI MUKULU

¹⁹ — Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Muntu mubanshi wakadiku uluata bilulu bikunze ne bia mushinga mukole, wakadi ne disanka diandi ne butumbi ku dituku ku dituku.

Luke 16:19 Σταυροειδείς Αναφορές

Estere 8:15

Mordekayi kupatuka mu nzubu wa mukalenga muvuale tshilamba tshia bukalenga tshifikuluke, tshitoke, mutentakaje tshinkutu tshia buanda bukunze. Uvua muase kabidi tshifulu tshinene tshia mpawungi. Bena mu tshimenga tshia Shushane bavua bela tunkunduluila ne bibingu bia disanka.

Nsumuinu 14:24

Biuma ke nsala wa kalumbandi wa bena meji. Kadi batatakane diabu difutu mbutatakane buabu.

Nsumuinu 31:22

Udi ukuma biata bia kuteka panshi, uvuala bilamba bimpe bia buanda bua ndanda bukunzubile.

Yeshaya 3:23

mintumpu, mitelu mimpe, bitambala bia mu nshingu, ne bia ku mutu.

Yezekiyele 16:13

Bilengejilu biebe bivua bia tshiamu tshia mpawungi, ne bia tshiamu tshitoke tshia mushinga mukole. Bilamba biebe bisua bia buanda bua ndanda, ne bikuabu bia miosa ya nyama, bizola bimpe. Meme kukudisha ne bukula buimpe, buitshi ne mafuta a olive. Wewe kuakana, kulengela be. Kukusungulabu bua wewe kuikala mukalenga mukaji.

Yezekiyele 16:49

Teleja, bilema bivuabu benze bobu mbiebi: bavua baditambisha, badia buukuta, kabayi ne lutatu. Kadi kabavua bambuluishe bapele ne bena dikenga.

Yezekiyele 27:7

Bavua batela bilamba bia buatu, ne buanda buimpe bua mitshi ya mu Ejipitu. Patshidi bantu kule, badi bamona mekala abi, bakumanya! Bilamba bifikuluke ne bikunze, bidi bifuma ku tshidiila tshia Shipre, bavua benza nabi nzubu ya wewe kuteka bintu biebe bia kupana.

Marke 15:17

Kuvuadikabu Yezu tshinkutu tshikunze. Kulukabu tshifulu tshia bukalenga tshia mionji ya meba, kumuasa ku mutu.

Marke 15:20

Bobu bamane kumuseka, kuntuvulabu tshinkutu tshikunze, kumuvuadikabu bilamba biende. Pashishe kuyabu nende ku mpenga kua tshimenga bua kumupopela pa mutshi mutshiamakane.

Luke 15:13

Munkatshi mua matuku makese muana muakunyi kupana bintu biende bionsu, kuya ne makuta ku ditunga dia kule. Kuine aku uvua wenza buenzayi, utulakaja biuma biende.

Luke 16:1

Yezu kuambila balongi bende ne: — Muena biuma kampanda uvua ne mumulaminyi wa bintu. Bantu kuambila muena biuma ewu ne: mukulaminyi wa bintu udi utulakaja bintu biebe.

Luke 16:18

Muntu yonsu udi wipata mukajende, usela mukuabu, mmunyange dibaka. Udi usela mukaji uvuabu babenga kudi bayende, udi munyange pende dibaka.

Luke 16:20

Kuvua kabidi muntu mupele, dina diende Lazare. Uvua ne biuja mubidi mujima, ulala ku tshiibi tshia nzubu wa muena biuma.

Didimanyisha 17:4

Mukaji uvua muvuale bilamba bimpe bikunze bia mushinga mukole. Uvua mudilengeje ne bintu bivule bia mpawungi, kabidi ne mabue a mushinga mukole, ne a busanga. Uvua ne dikopu dia mpawungi mu tshianza, diwule tente ne bintu bibi bia bundu bidi bileja buendenda buende.

Didimanyisha 18:16

bamba ne: “Diakabi kaayi edi! Dikenga kaayi bunene nanku didi dikuata tshimenga! Tshivua tshivuale bilamba bimpe bienza ne ndanda, bilamba bia lumu bifikuluke ne bikunze bia mushinga mukole. Tshivua tshidilengeja ne bintu bia bungi bia mpawungi, kabidi ne mabue a mushinga mukole, ne a busanga.

Didimanyisha 18:7

Numubungamije, munukengeshe, bilondeshile muvuaye uditemba bua lumu ne bubanji bivuaye nabi. Uvua udiamba ne: ‘Meme apa ndi Mukalenga mukaji. Tshiena mukamba to. Makenga kaakunkuata to.’

Balombodi 8:26

Tukanu tuonsu tua mpawungi tuvua Ngideyone mulombe, tuvua ne bujitu bua kilo bu makumi abidi. Ngideyone kupeta kabidi bilengejilu bikuabu, tukanu tua ku matshi, bilamba bimpe bikunze, bivua bakalenga ba bena Madiyane bavuale, ne nkanu ya mu nshingu, ivuabu balengeja nayi tumelu tuabu.