Luke 15:32 - MUKANDA WA MYIDI MUKULU

³² Kadi tuvua ne bua kuenza tshibilu etshi, kusanka, bualu muanenu ewu ukavua mufue, mmubiike ku lufu; ukavua mujimine, mbamumonyi.”

Mukanda wa Nzambi Dihungila Dikulukulu ne Dihungila Dihia-dihia 2003

³² Biakadi bimpe bia kusaba ne kusanka, bualu bua muanʼenu eu wakadi mufue, udi ne muoyo kabidi; wakadi mujimine, wakumueneka.

Luke 15:32 Σταυροειδείς Αναφορές

Misambu 51:8

Kadi wewe udi musue amu bua muntu ambe malu malelela kayi usokoka bualu. Undongeshe, bua kondu kanyi ka munda kikale katuuta pa bualu.

Yeshaya 35:10

Bantu badi Maweja-Nangila musungidile, nebapinganyine mu njila awu. Nebafike mu Siyone, bimbe misambu ya disanka. Disanka dia kashidi nedikale pa mpala yabu. Disanka dinene nediuwuje mioyi yabu. Makenga ne masumpakana mbimane kubashila muaba kashidi.

Osheya 14:9

Bena Efrayime, mpingu idi inuenzela tshinyi? Meme ke udi upesha bena Efrayime bionsu bidibu balomba. Meme ke udi ubalama. Meme ndi mutshi wa siprese udi usasa matuku onsu kauyi uuma to. Meme ke udi ubapesha maminu.

Matayi 18:11

Bualu Muana wa muntu mmuvue kusungidila bavua bajimine.]

Luke 15:24

Bualu muananyi ewu ukavua mufue, mmubiike ku lufu. Ukavua mujimine, mbamumonyi.” Kutuadijabu kusanka.

Luke 15:31

Tatu kumuandamuna ne: “Muananyi, tudi nebe matuku onsu. Bionsu bindi nabi mbintu biebe wewe.

Luke 7:34

Muana wa muntu kufika pende, udia, unua. Nuenu kuamba ne: “Ewu muntu mmusombele amu kudia ne kunua nwinyo. mMulunda wa balambuishi ba bitadi ne bena buenzayi bakuabu!”

Rome 11:15

Bualu pavuabu babateke ku luseke, bantu ba pa buloba kupingana mu diumvuangana ne Mvidi Mukulu. Nanku dituku didibu babakidila, nebienzeke bishi? Diba adi nebikale bu bantu badi bumuka ku lufu, babuela mu muoyi.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”