Luke 12:47 - MUKANDA WA MYIDI MUKULU

⁴⁷ Muena mudimu udi mumanye bidi mfumuende musue, kadi ubenga kudilongolola bua kubikumbaja, nebamutuute bikole.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁷ Nunku muhika wakadi mumanye muakadi nfumu wandi musue, kadi yeye kakalongolola malu andi, kakenza bu muakasueye, nebamukume bikole;

Luke 12:47 Σταυροειδείς Αναφορές

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Luke 12:41

Ke Petro kuebeja Yezu ne: — Mfumu, lusumuinu elu udi mutuelele tuetu nkayetu anyi bantu bonsu?

Luke 12:46

mfumuende neafike dituku didi muena mudimu awu kayi muelaku meji, ne diba didiye kayi mumanye. Nanku mfumuende neamunyoke bikole, neamuteke muaba wa baluishi ba Mvidi Mukulu.

Yowanane 12:48

Muntu udi umbenga, kayi wanyisha miaku yanyi, udi ne mumuluishi: muaku undi mulongeshe neumupishe dituku dia nshikidilu.

Yowanane 19:11

Yezu kumuandamuna ne: — Kuena ne bumfumu nansha bumue pambidi panyi, pa kumusha buvua Mvidi Mukulu mukupeshe. Nanku muntu uvua mmufile kuudi, udi ne tshibawu tshipite tshiebe.

Yowanane 9:41

Yezu kubandamuna ne: — Bu nuenu bampofu, kanuvua mua kupila. Kadi bu munudi nuamba ne: “Tudi tumona,” nudi nushala bena tshibawu.

Bienzedi 17:30

Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje.

Yakobe 4:17

Nanku muntu udi mumanye bualu buimpe budiye ne bua kuenza, ubenga kubuenza, mmuena tshibawu.