Luke 12:21 - MUKANDA WA MYIDI MUKULU

²¹ Ke Yezu kuamba kabidi ne: — Ke bidi bienzekela muntu udi uditekela biuma nkayende, kayi mubanji kumpala kua Mvidi Mukulu!

Mukanda wa Nzambi Dihungila Dikulukulu ne Dihungila Dihia-dihia 2003

²¹ Muntu udi udibutshila bintu biandi, kai mubanshi ku mesu kua Nzambi, udi nunku.

Luke 12:21 Σταυροειδείς Αναφορές

Nsumuinu 13:7

Bamue bantu badi badiangata bu babanji, bobu bikale bianza bitupu. Banga kabidi badi badiangata bu bapele, bobu bikale babanji.

Osheya 10:1

Bena Izrayele mbafuanangane ne mionji ya mvinyo idi isampila, ikuama tumuma tua bungi. Kadi, pavuabu bavulangana, bavua bavudija kabidi bilambuilu. Pavua ditunga dipeta bubanji, ke pavuabu bavudija mabue a tshijila.

Abakuke 2:9

Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Luke 16:11

Paudi kuyi ulama biuma bibi bia panu bimpe, udi mua kukupesha biuma bia bushuwa nnganyi?

Luke 6:24

“Kadi nuenu babanji, nudi bena diakabi, bualu nukadi bamane kupeta diakalenga dienu!

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

2 Korente 6:10

Badi batubungamija, kadi tudi tuleja amu disanka. Tudi tumueneka bu bapele, kadi tudi tunemesha bantu bavule. Tudi tumueneka bu badi ku bianza kutupu, kadi tudi ne bionsu.

1 Timote 6:9

Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Didimanyisha 2:9

Ndi mumanye muyuabu bakukengeshe. mBakushiye mupele. Kadi bua kuamba bimpe, udi ne biuma! Ndi mumanye mudi badi badiamba bena Yuda bakujana. Kadi kabena bena Yuda to. Badi tshisumbu tshia bantu ba diabolu!