Luke 11:2 - MUKANDA WA MYIDI MUKULU

² Ke Yezu kubambila ne: — Panudi nutendelela, nuambe ne: “Tatu, bantu bonsu batumbishe dina diebe dia tshijila. Bukalenga buebe bufike.

Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakabambila ne, Hanuatendelela Nzambi, nuambe ne, Tatu, banemeke dina diebe. Bukelenge buebe bulue.

Luke 11:2 Σταυροειδείς Αναφορές

1 Bakalenga 8:43

wewe Maweja-Nangila, mu diulu muudi usomba, wikale muteleje. Umupeshe tshintu tshidiye ukulomba. Nanku, bantu ba bisamba bionsu bia pa buloba nebakumanye, nebalonge mua kukunemeka, bu mudi bantu bebe bena Izrayele bakunemeka. Kabidi nebajadike ne: nzubu ewu undi muibake, nguebe wewe bulelela.

2 Bakalenga 19:19

Kadi wewe, Maweja-Nangila Mvidi Mukulu wetu, mpindiewu, utusungidile mu bianza bia Senakeribe. Nanku, mu makalenga onsu a pa buloba, nebamanye ne: anu wewe Maweja-Nangila ke Mvidi Mukulu.”

2 Kulondolola 20:6

Kutendelelaye, wamba ne: — Maweja-Nangila, Mvidi Mukulu wa bankambua betu, wewe udi musombe mu diulu. Bisamba bionsu bidi ku bumfumu buebe! Wewe udi ne bukole buonsu, kabidi ne bumfumu. Nanku, kakuena muntu udi mua kutua nkanana kumpala kuebe.

Misambu 103:20

Nuenu batumibue ba Mvidi Mukulu, nuenu badi benza tshidiye wamba ne bukole buonsu, ne badi bamutumikila, elayi Maweja-Nangila tuasakidila.

Misambu 108:5

bualu luse luebe ndunene, lupite ne diulu, bulelela buebe mbupite ne mavuba.

Misambu 11:4

— Maweja-Nangila udi mu nzubu wende wa tshijila. Maweja-Nangila udi ne nkuasa wende mu diulu. Udi utangila bantu miaba yonsu idibu, uteta bionsu bidibu benza.

Misambu 57:11

Bualu dinanga diebe ndinene, ndiye ne mu diulu. Udi ukumbaja malaya ebe miaba yonsu too ne mu mavuba.

Muambi 5:2

Bualu muntu udi upita kuakula, udi upita kuakula miaku mibi. Ke mudi muntu udi ne ntatu mivule upita kulota ndota mibi.

Yeshaya 63:16

Bualu amu wewe ke udi Tatu wetu. Abrahame nkambua wetu, kena mubimanye. Yakobe kena mutuvuluke. Kadi wewe, Maweja-Nangila, udi Tatu wetu, wewe ke udibu binyika ku kale kuonsu aku ne: “Mutusungidi wetu.”

Yezekiyele 36:23

Nansha nuenu bamane kumpepeja kumpala kuabu, nembaleje mundi Maweja-Nangila Mvidi Mukulu munene ne wa tshijila. Nebamanye ne: ndi wa tshijila padibu bamona bindi nnuenzela. Meme Maweja-Nangila Mvidi Mukulu, ndi njadika nanku.

Danyele 2:28

Kadi mu diulu mudi Mvidi Mukulu, udi umanyisha bantu malu masokome. Yeye ke udi mukumanyishe wewe mukalenga Nebukadnesare malu adi ne bua kuenzeka matuku atshidi kumpala. Kadi tshiuvua mulote ntshietshi.

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Danyele 7:18

Kunyima kuabu tshisamba tshia tshijila tshia Mvidi Mukulu, Muena kulu, netshiangate bukalenga. Netshibulame kashidi.’

Danyele 7:27

Nebapeshe tshisamba tshia tshijila tshia Mvidi Mukulu, Muena kulu, bukalenga, bukokeshi, ne lumu, bia makalenga onsu a pa buloba. Bukalenga bua tshisamba etshi nebushale kashidi. Makokeshi onsu a pa buloba neatshitumikile, atshienzela mudimu.’

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Lewitiki 22:23

Kadi tshimuna tshionsu, tshinene nansha tshikese, tshidi tshitebuke, nansha tshidi ne tshidimba tshishawuke, udi mua kutshindambula amu bua mulambu wa budisuile. Kadi kuena mua kutshilambula bu mulambu wa mapiku to.

Abakuke 2:14

Tshikondu netshifike tshidi bantu mu buloba bujima, bamanye amu kumanya munda muabu muonsu, butumbi bua Maweja-Nangila, amu mudi mayi muwule mu mayi manene tente.

Matayi 10:32

— Muntu yonsu udi wamba kumpala kua bantu ne: ndi wa Kristu, meme kabidi nemmuambe ne: ngwanyi, kumpala kua Tatuanyi udi mu diulu.

Matayi 3:2

wamba ne: — Kudimunayi mioyi yenu, bualu Bukalenga bua mu diulu budi pabuipi!

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Luke 11:1

Dituku dikuabu Yezu uvua utendelela muaba kampanda. Ujikija, umue wa ku balongi bende kumuebeja ne: — Mfumu, ubilongeshe mutudi mua kutendelela, muvua Yowanane mulongeshe balongi bende.

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

Rome 8:15

bualu Mueyelu unudi bapete kawena mueyelu udi unupingaja mu bupika, bua nuikale tshiakabidi ne bowa mesu tente. Kadi Mueyelu udi unuenza bana ba Mvidi Mukulu, bua tumuele mbila ya ne: “Tatu wanyi!

1 Korente 1:3

Dinanga ne bupole bia kudi Mvidi Mukulu Tatu, ne bia kudi Mfumu Yezu Kristu, bishindame munda muenu.

2 Korente 1:2

Dinanga ne bupole bia kudi Mvidi Mukulu Tatu wetu, ne bia kudi Mfumu wetu Yezu Kristu bishindame munda muenu.

Ngalate 1:4

Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Efeze 1:2

Dinanga ne bupole bia kudi Mvidi Mukulu, Tatu wetu, ne bia kudi Yezu Kristu, Mfumu wetu, bishindame munda muenu.

Filipe 1:2

Dinanga ne bupole bia kudi Mvidi Mukulu Tatu wetu, ne bia kudi Yezu Kristu, Mfumu wetu, bishindame munda muenu.

Filipe 4:20

Mvidi Mukulu Tatu wetu atumbe kashidi tshiendelele. Amene.

Kolose 1:2

tudi tunufundila mukanda ewu, nuenu bantu ba Mvidi Mukulu, badi basomba mu Kolose. Nudi badienze bana hetu mu ditaba, bualu nudi badisange ne Kristu. Dinanga ne bupole bia kudi Mvidi Mukulu Tatu wetu bishindame munda muenu.

1 Tesalonike 1:1

Tuetu bonsu, Polu, Silase, ne Timote, tudi tunufundila mukanda ewu, nuenu bena ditaba ba mu Tesalonike, bantu ba Mvidi Mukulu Tatu, ne ba Mfumu Yezu Kristu. Dinanga ne bupole bishindame munda muenu.

1 Tesalonike 1:3

Bualu kumpala kua Mvidi Mukulu ne Tatu wetu, tudi tuvuluka munudi nukumbaja malu adi ditaba dienu dinulomba, mudi dinanga dienu dinukuatshisha midimu mikole, kabidi munudi nutekemena kudi Mfumu wetu Yezu Kristu ne muoyi umue.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 19:6

Pashishe meme kumvua meyi a bantu bavule, akungula bu bibila binene bia mayi, bu makubakuba makole. Meme kumvua bamba ne: “Aleluya! Tumbishayi Mvidi Mukulu! Bualu Maweja-Nangila, Mvidi Mukulu wetu muena bukole buonsu, mmuangate bukalenga buende!

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.