Luke 10:1 - MUKANDA WA MYIDI MUKULU

¹ Ke Mfumu kusungula balongi bakuabu makumi muanda mutekete ne babidi. Uvua ubatuma babidi babidi, bua badianjile kumpala kuende mu bimenga bionsu, ne miaba mikuabu yonsu, bivuaye ne bua kuya.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakashika malu â, Mukelenge wakasungula banga bayidi kabidi makumi muanda mutekete, wakabatuma ku mpala kuandi ku babidi ku babidi mu misoko yonso ne mu miaba yonso, yakadiye wamba kuya.

Luke 10:1 Σταυροειδείς Αναφορές

Yezekiyele 8:11

Bakulu makumi muanda mutekete ba bena Izrayele bavua bimane kumpala kua bimfuanyi abi. Ku bakulu aba, kuvua Yazaniya, muana wa Shafane. Mukulu yonsu uvua mukuate ku tshianza mbabula wa kuoshila manananshi. Muinshi wa musenga wa kamonya uvua ubanda mulu.

Dibadika 11:16

Maweja-Nangila kuambila Moshe ne: — Unsunguile bakulu ba bena Izrayele makumi muanda mutekete, bantu baudi mujadike ne: mbakulu ba bushuwa, balombodi ba bena Izrayele. Ufike nabu ku ntenta wa kusambakena. Wimane nabu kumpala kuanyi.

Luke 1:17

Neadianjile kumpala kua Mvidi Mukulu. Neikale ne lungenyi, kabidi ne bukole, bivua muambi Eliya nabi. Neatuangaje batatu ne bana. Neapingaje bantomboji mu njila wa bantu bakane. Nealongoluele Maweja-Nangila bantu badi bamuindila.

Luke 1:76

Kadi wewe, muananyi, nebakuinyike ne: mmuambi wa Mvidi Mukulu Muena kulu. Bualu neudianjile kumpala kua Mfumu, bua kumulongoluela njila,

Luke 7:13

Mfumu ubamona, kumvuilaye mamu awu luse. Kumuambilaye ne: — Lekela muadi.

Luke 7:19

Kubatumaye kudi Mfumu bua kumukonka ne: “Wewe ke Musungidi wetu utudi bamanye ne: udi ne bua kufika, anyi tuindile mukuabu?”

Luke 9:52

Kutumaye bantu kumpala kuende. Kuyabu mu musoku wa bena Samariya, bua kumukebelamu muaba wa kulala.