Filipe 3:16 - MUKANDA WA MYIDI MUKULU

¹⁶ Nansha munyi ne munyi, tuye amu kumpala mu njila utukadi bamane kulonda too ne ku mpindiewu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ kadi kutuakamana kufika, tuende bietu mu nshila muomumue.

Filipe 3:16 Σταυροειδείς Αναφορές

Rome 12:16

Umvuanganayi munkatshi muenu. Kanuditambishi to. Kadi nuanyishe midimu mishadile yonsu. Kanudiangatshi bu bena meji.

Rome 15:5

Mvidi Mukulu, mpokolu wa dinanukila ne wa disambangana, anupe kabidi diumvuangana dilelela, bua nulonde tshilejilu tshia Yezu Kristu,

Ngalate 5:7

Nuvua babange luendu bimpe. Udi munuimanyike, bua kanulondi kabidi njila wa bulelela, nnganyi?

Ngalate 6:16

Bonsu badi balonda njila ewu, ndi mbajingila ne: Mvidi Mukulu abapeteshe bupole, abafuile luse, bobu ne bena tshisamba tshia Mvidi Mukulu bonsu.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Filipe 2:2

Nanku ndi nnulomba bua nukumbaje disanka dianyi: umvuanganayi, nanganganayi, nuikale ne muoyi umue, kabidi ne lungenyi lumue.

Filipe 4:2

Wewe Evodiya, ne wewe Sintike, ndi nnulomba, nnusengelela bua numvuangane bu bana ba bakaji badi muntu umue mu ditaba.

Kolose 2:6

Nenku panudi bamane kuitaba Yezu Kristu bu Mfumu, nudisange nende.

Kolose 4:2

Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

Didimanyisha 3:3

Nenku vuluka bivuabu bakulongeshe. Kuvulaminyi muuvua mubilonge ne tshisumi. Ubikumbaje ne muoyi umue, udilengeje. Kuyi mutabale, nenkujikile bu muivi. Kuakumanya diba dingafika kuudi.