Filipe 3:10 - MUKANDA WA MYIDI MUKULU

¹⁰ Tshindi njinga tshidi anu bua kumanya Kristu, kumvua bukole bua dibiika diende, kudisanga nende mu makenga, kudienza mufuanangane nende mu lufu,

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Mbua meme kumumanya yeye, ne bukole bua dibika diandi ku lufu, ne buobumue nʼandi mu makenga andi, muikale mufuanyikishibue nʼandi mu lufu luandi;

Filipe 3:10 Σταυροειδείς Αναφορές

Yirmeya 9:23

Pikala muntu musue kuditambisha, aditambishe anu pikalaye mummanye meme Maweja-Nangila, kabidi mumanye ne: meme Maweja-Nangila ndi ne luse, ndi nkosa nsambu pa yoyi, ndi nkumbaja malaya anyi pa buloba bujima. Bantu ba mushindu ewu, ke badi bansankisha.” Ke mudi Maweja-Nangila wamba nanku.

Matayi 20:23

Ke Yezu kubambila ne: — Bushuwa, nenunue dikopu dianyi. Kadi meme tshiena mua kujadika udi mua kusomba ku dianyi dia balume, nansha ku dianyi dia bakaji. Nebasombemu kudi bantu badi Tatu mulongoluele miaba eyi.

Yowanane 10:18

Kakuena muntu udi unnyenga muoyi wanyi, kadi ndi ngufila mundi musue. Ndi ne bumfumu bua kuufila, kabidi ne bumfumu bua kuwangata tshiakabidi. Ke mukenji udi Tatu mungelele bua meme kuenza.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Rome 8:17

Patudi bana bende, netupiane bilenga bivua Mvidi Mukulu mulaye bantu bende. Netubipiane pamue ne Kristu. Bualu patudi tukenga badisange ne Kristu, netusanke nende pamue mu butumbi bua momumue.

Rome 8:29

Bualu bavua Mvidi Mukulu mudianze kusungula, ukavua mudianza kujadika bua kubenza bafuanangane ne Muanende, bua Muanende ashale muanabute munkatshi mua bana babu bavule.

Rome 8:36

Bu mudi Mukanda wa tshijila wamba ne: “Bu mutudi bebe, tudi mu njiwu ya lufu dituku dijima. Badi batutangila bu mikoku idibu mua kuya nayi bua bayishipe.”

2 Korente 1:10

Yeye ke uvua mutusungidile ku njiwu mikole ya lufu ayi. Neansungidile ku mikuabu kabidi. Eyowa, tudi bamutekemene ne: neansungidile ku mikuabu.

2 Korente 1:5

Patudi tudisanga ne Kristu mu makenga ende mavule, Kristu udi utusamba kabidi bipite.

2 Korente 13:4

Bushuwa uvua muteketele bantu bayua bamupopele ku mutshi mutshiamakane. Kadi mpindiewu udi ne muoyi ku bukole bua Mvidi Mukulu. Tuetu kabidi, badisange nende, tudi ne butekete. Kadi netupete muoyi pamue nende ku bukole bua Mvidi Mukulu. Nenujadike bualu ebu.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Ngalate 6:17

Matuku adi kumpala, muntu kantatshishi kabidi to. Bualu bibangu bindi nabi ebi bidi bijadika mundi mupika wa Yezu.

Efeze 4:13

Ke mutudi mua kuenza bonsu tshintu tshimue mu ditaba dietu, patudi tumanya Muana wa Mvidi Mukulu. Nanku netufike bonsu pamue ku mulongu wa Muntu mukole muakanangane: ke Kristu mu bujima buende.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

Kolose 1:24

Mpindiewu ndi nsanka bua makenga adi mankuate bualu buenu. Bualu ku makenga anyi, ndi nkumbaja makenga adi Kristu kayi muanji kumvua bua mubidi wende, momumue ne bua Tshisumbu tshia bena ditaba.

Kolose 2:13

Ku kale nuvua bafue, bualu kabavua banuteke panshi, momumue ne: nuvua badine mu bubi. Kadi mpindiewu Mvidi Mukulu mmunubishe pamue ne Kristu. mMutujimijile mibi yetu yonsu.

Kolose 3:1

Bavua banubishe ku lufu pamue ne Kristu. Nanku kebayi bia mu diulu, mudi Kristu musombe ku diboku dia bukole dia Mvidi Mukulu.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

2 Petro 1:13

Bualu pantshidi ne muoyi apa, ndi ne bua kunuvuluija amu kunuvuluija malu aa.

1 Yone 2:3

Patudi tutumikila mikenji ya Mvidi Mukulu, ke patudi mua kujadika ne: tudi bamumanye.

1 Yone 2:5

Kadi muntu udi utumikila muaku wa Mvidi Mukulu, ke muntu udi unanga Mvidi Mukulu muende muonsu. Tshidi mua kutujadikila ne: tudi mu bobumue ne Mvidi Mukulu, ngetshi:

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.