Filipe 2:29 - MUKANDA WA MYIDI MUKULU

²⁹ Nanku numuakidile ne disanka dia bungi, bualu mmuanenu mu ditaba. Nudi ne bua kunemeka bantu ba nanku.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Nunku numusankidile mu Mukelenge ne disanka dionso; ne nutumbishe bantu badi nunku;

Filipe 2:29 Σταυροειδείς Αναφορές

Yeshaya 52:7

Ndisanka kaayi patudi tumona muntu wenda pa mikuna, ututuadila lumu lua disanka! Udi utuadila bantu lumu lua bupole, lua diakalenga ne lua lupandu. Udi ukuambila wewe Yerushalayime ne: “Mvidi Mukulu webe udi mukalenga.”

Luke 9:5

Kadi muaba wabenga bantu kunuakidila, numuke mu musoku awu, nututule lupuishi lua ku makasa enu, bua lushale kubavuluija tshiyuabu benze.

Yowanane 13:20

Ndi nnujadikila ne: muntu wakidila muntu undi ntuma, udi ungakidila meme. Muntu udi ungakidila udi wakidila uvua muntume.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Bienzedi 28:10

Bena mu tshidila kudisankisha ne bintu bishilangane. Diba dia kulayangana nabu, kutupabu bionsu bituvua tukengela bua luendu.

Bienzedi 8:8

Nanku bantu bavua basanka bikole mu tshimenga atshi.

Rome 10:15

Mudibu mua kumumanyisha, kakuyi bantu badibu bafuma bua kuenza nanku, mbishi? Ke padi Mukanda wa tshijila wamba ne: “Disanka kaayi dia kumona bantu bafika, batutuadila Lumu lua Disanka!”

Rome 16:2

Numuakidile mu dina dia Mfumu, mudi bena tshisamba tshia Mvidi Mukulu ne bua kuakidilangana. Numuambuluishe mu malu onsu adiye mua kuikala nenu dijinga. Yeye mene uvua muambuluishe bantu bavule, nangananga meme.

1 Korente 16:10

Pikala Timote mufike, numuakidile bimpe muenu. Bualu udi ukuatshila Mfumu mudimu, mundi ngenza meme.

1 Korente 16:18

Bavua bankolesha mu maboku muyuabu banukolesha nuenu. Nudi ne bua kuangata bantu ba nenku ne mushinga.

2 Korente 10:18

Bualu muntu udi udianyisha, kena ne mushinga nansha, kadi amu udi Mfumu muanyishe.

2 Korente 7:2

Tunzuluilayi mioyi yenu! Katuena benzele muntu nansha umue bibi. Katuena banyenge muntu bivuaye nabi. Katuena bakengeshe muntu.

Filipe 2:28

Ke pandi musue kunutumina Epafrodite lukasa, bua nusanke panuamonangana nende, kabidi bua dibungama dianyi dijike.

Kolose 4:10

Aristarke, utudi nende mu lukanu, ne Marke, muanabu ne Barnabase, badi banuela muoyi. (Bakadi bamane kunuambila munudi ne bua kuakidila Marke bimpe, padiye ufika kuenu.)

1 Tesalonike 5:12

Bana hetu, tudi Umulomba ne: nunemeke badi bakuata mudimu munkatshi muenu, bavua Mvidi Mukulu musungule bua kunulombola ne kunulongesha.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

Ebrewu 13:17

Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.

3 Yone 1:10

Nanku pandi mfika, ne mmanyishe patoke malu mabi onsu adiye wenza, miaku mibi idiye untamba, ne malu adiye utushiminyina. Ku bilema ebi udi usakidila kabidi tshikuabu: kena wakidila bena ditaba badi batutantshila. Udi ukandika kabidi badi basue kubakidila, ukeba kubipata mu Tshisumbu tshia bena ditaba.