Filipe 2:11 - MUKANDA WA MYIDI MUKULU

¹¹ batonde patoke ne: Yezu Kristu udi Mfumu! Ke mudibu batumbisha Mvidi Mukulu Tatu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne bua ndimi yonso yambe hatoke ne Yesu Kilisto udi Mukelenge, tô ne ku butumbi bua Nzambi Tatu.

Filipe 2:11 Σταυροειδείς Αναφορές

Misambu 110:1

Musambu wa mu mukanda wa misambu ya Davide. Maweja-Nangila Mvidi Mukulu udi wambila mukalenga wanyi ne: “Somba ku dianyi dia balume, too ne pandi ngenza baluishi bebe tshidiatshilu tshia makasa ebe.

Misambu 18:49

Maweja-Nangila, udi unsungidila kudi bena lukuna banyi. Ndi ntshimuna badi banduisha, mpatuka mu bianza bia bena tshinyangu.

Yirmeya 23:6

Pabuelaye mu bukalenga, kabakukengesha kabidi bena Yuda kudi baluishi babu. Bena Izrayele nebasombe talalaa. Nebinyike mukalenga awu ne: ‘Maweja-Nangila ke musungidi wetu!’ ”

Matayi 10:32

— Muntu yonsu udi wamba kumpala kua bantu ne: ndi wa Kristu, meme kabidi nemmuambe ne: ngwanyi, kumpala kua Tatuanyi udi mu diulu.

Luke 2:11

butuku ebu mu tshimenga tshia Davide, mbalelamu Musungidi wenu. Yeye ke Kristu Mfumu.

Yowanane 12:42

Kadi nansha munkatshi mua bamfumu ba bena Yuda, ba bungi kuitaba Yezu. Kadi kabavua badileja patoke. Bualu bavua batshina Baparushe bavua mua kubipata mu nzubu wa kutendelela.

Yowanane 13:13

Nudi numbikila “Mulongeshi,” kabidi “Mfumu.” Nudi nuamba bimpe. Ke mundi.

Yowanane 13:14

Pangikala meme Mulongeshi kabidi Mfumu munoweshe mayi ku makasa, nuenu kabidi nudi ne bua kuoweshangana mayi ku makasa.

Yowanane 14:13

Nengenze bionsu binualomba mu dina dianyi, bua Muana amueneshe butumbi bua Tatu.

Yowanane 14:23

Yezu kumuandamuna ne: — Muntu udi munnange, neakumbaje bindi ngamba. Tatu wanyi neamunange. Tatu wanyi ne meme netuye kudiye, netusombe munda muende.

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 20:28

Tomase kumuandamuna ne: — Mfumu wanyi ne Mvidi Mukulu wanyi!

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 9:22

Bavua bandamuna nanku, bualu bavua batshina bamfumu ba bena Yuda. Bualu bamfumu bavua bamane kumyuangana bua kuipata mu nzubu wa kutendelela wa bena Yuda muntu yonsu wajadika ne: Yezu udi Meshiya.

Bienzedi 10:36

Nudi bamanye Lumu lua Disanka ludi Mvidi Mukulu mumanyishe bena Izrayele. mMubambile ne: nenupete bupole kudi Yezu Kristu, Mfumu wa bantu bonsu.

Bienzedi 2:36

Nuenu bena Izrayele bonsu, nujadike ne: Yezu ewu, unuvua bapopele pa mutshi mutshiamakane, ke yeye udi Mvidi Mukulu muteke Mfumu ne Kristu!

Rome 14:11

Bualu Mukanda wa tshijila udi wamba ne: “Meme, Maweja-Nangila udi ne muoyi, ndi njadika ne: bantu bonsu nebatue binu kumpala kuanyi. Bonsu nebantumbishe, bajadika ne: ndi Mvidi Mukulu.”

Rome 14:9

Bualu Kristu mmufue, mubike kabidi ku lufu, bua ikale Mfumu wa bafue ne wa badi ne muoyi.

Rome 15:9

mMufike kabidi bua bantu ba bisamba bikuabu batumbishe Mvidi Mukulu bua luse luende. Ke padi Mukanda wa tshijila wamba ne: “Ke pandi nkutumbisha munkatshi mua bisamba bikuabu, nsaka misambu ya kutumbisha nayi dina diebe.”

1 Korente 12:3

Ke pandi musue bua nujingulule bimpe ne: padi Mueyelu wa Tshijila ulombola muntu, kena mua kuamba ne: “Yezu ikale mutshipa!” Nansha muntu kena mua kujadika ne: “Yezu udi Mfumu,” padi Mueyelu wa Tshijila kauyi umulombola.

1 Korente 15:47

Adame wa kumpala bayua bamuenze ne buloba. Kadi Adame muibidi mmufume mu diulu.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

1 Yone 4:15

Padi muntu ujikula ne: Yezu udi Muana wa Mvidi Mukulu, Mvidi Mukulu udi ushala munda muende, yeye kabidi udi ushala munda mua Mvidi Mukulu.

1 Yone 4:2

Munudi mua kumanya ne: Mueyelu ewu ngwa Mvidi Mukulu, mudi nenku: muntu yonsu udi ujikula patoke ne: Yezu Kristu mmudienze muntu menemene, udi ne Mueyelu wa Mvidi Mukulu.

2 Yone 1:7

Bena dishima bavule mbatangalake munkatshi mua bantu. Kabena bitaba ne: Yezu Kristu mmudienze muntu menemene. Muntu udi wenza malu a nanku mmuena dishima, kabidi mMuluishi wa Kristu.

Didimanyisha 3:5

Badi batshimuna, nebavuale bilamba bitoke. Tshiakukupula mena abu mu mukanda wa muoyi to. Nenjadikile Tatu wanyi ne batumibue bende ne: bantu aba mbanyi.