Filemone 1:14 - MUKANDA WA MYIDI MUKULU

¹⁴ Kadi tshivua musue kuenza nanku, tshiyi mukuebeje to. Tshiena musue kukuenzela bualu buimpe ku bukole. Ndi njinga ubuenze ku budisuile buebe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kadi tshiakasua kuenza bualu tshi muanze kumanya mûdi wela meshi, bua buimpe buebe kabuikadi bua ku bukole, kadi bua mu disua diebe.

Filemone 1:14 Σταυροειδείς Αναφορές

1 Kulondolola 29:17

Mvidi Mukulu wanyi, ndi mumanye ne: udi ukonkonona meji adi munda mua bantu, udi wanyisha badi ne muoyi mutoke. Mvua mukulambule biuma bianyi, lelu meme kumona bantu badi basangile apa, benza bia mumue ne disanka.

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

1 Korente 9:17

Bu meme mudisunguile mudimu ewu, mvua mua kutekemena bua bamfute. Kadi pandi tshiyi ngenza mudimu awu ku disua dianyi, ndi nkumbaja amu bidibu bamfundile.

1 Korente 9:7

Katshia nukadi bumvue bamba ne: musolayi udi mua kudifuta bua mudimu udiye wenza mu mvita anyi? Muntu udi ne budimi bua mvinyo, kena mua kudia tumuma tua mu budimi abu anyi? Udi ulama mikoku, kena mua kunua mabele ayi anyi?

2 Korente 1:24

Katuena basue kunufundila tshinudi ne bua kuitaba, bualu nukadi bashindame mu ditaba. Kadi tudi tujinga kukuata nenu mudimu, bua nupete diakalenga.

2 Korente 8:12

Panudi nufila ne muoyi wa kalolu, Mvidi Mukulu neapime binudi nufila bilondeshile binudi nabi; kakubipima bilondeshile binudi kanuyi nabi.

2 Korente 9:5

Ke pamvua muele meji ne: ndi ne bua kusengelela bana hetu aba, bua badianjile kuenu aku kumpala kuanyi. Basangishe muaba umue binuvua balaye ne muoyi wa kalolu. Nanku pangafika, nembisangane. Ke munudi mua kuleja bantu munudi nubifila ne muoyi wenu mujima, kabayi banuenzeja malu ku bukole.

2 Korente 9:7

Muntu yonsu afile mudiye muele meji, kayi ne muoyi mujoboke, kabayi bamuenzeje malu ku bukole. Bualu Mvidi Mukulu udi unanga udi upa ne disanka.