Ekesode 16:20 - MUKANDA WA MYIDI MUKULU

²⁰ Bena Izrayele bakuabu kubenga diyi dia Moshe, kushiya biakudia bikuabu bua kudia dinda. Kadi biakudia abi kubola bionsu, kunyanguka ne bikusu. Moshe kubafikila munda.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi bobo kabakitabusha dî dia Mose, bakuabo bakabishiya tô ne ku dinda, bishi biakabuelamu, bidia biakanunka muhuya mubi, Mose wakadi nʼabo tshiji.

Ekesode 16:20 Σταυροειδείς Αναφορές

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Marke 10:14

Padi Yezu umona nanku, kusodiaye, kuambila balongi bende ne: — Lekelayi kukandika bana! Balekelayi balue kundi, bualu Bukalenga bua Mvidi Mukulu mbua badi bu bana.

Marke 3:5

Yezu kubatangila bonsu ne tshiji, uvua kabidi ne kanyinganyinga bua muoyi mubi uvuabu nawu. Ke kuambilaye muntu awu ne: — Olola tshianza thiebe. Muntu kutshiolola, kuakanatshi.

Matayi 6:19

— Kanukungujidi bubanji buenu pa buloba to, padi misanda ne dimona mua kubunyanga, kabidi padi bivi mua kushipa biibi, kuiba.

Dibadika 16:15

Moshe kufika munda bikole bua diandamuna diabu adi. Kuambilaye Maweja-Nangila ne: — Kuitabi milambu yabu to. Katshia meme tshiena mubenzele bibi. Tshiena mubanyenge tshintu, nansha mpunde mene.

Dibadika 12:3

Kadi Moshe uvua muntu wa muoyi mupuekele, mupite bantu bonsu ba pa buloba ku lutulu.

Ekesode 16:19

Moshe kubambila kabidi ne: — Biakudia ebi, nubidie bijika anu dituku dimue.

Ekesode 16:21

Biangatshile ku dituku adi, bena Izrayele kuboya dinda dionsu biakudia bikumbane, bua muntu yonsu kudia kuukuta. Kadi pavua munya ukola, biakudia bivua bishale panshi bivua bienguluka.

Ekesode 16:24

Bena Izrayele kulama biakudia abi too ne dinda, bu muvua Moshe mubambile. Kadi biakudia kabivua binyanguke bibuele bikusu to.